Nao hlăm knăm anei mâo bi ala kơ Phŭn bruă dharkreh, mjuăt asei mlei leh anăn hiu čhưn ênguê; phung thơ̆ng kơ bruă, phung ksiêm hriăm dhar kreh hŏng lu mnuih ƀuôn snag ƀuh čing boh tâo Dak Sơn. Čing boh tâo Dak Sơn mâo ƀuh thŭn 2014 ti să Nam Xuân, kdriêk Krông Knô, čar Dak Nông hđăp, ară anei jing să Dak Sắk, čar Lâm Đồng, mâo 16 klŏ boh tâo, hlăm anăn 11 klŏ dôk hrông leh anăn 5 klŏ mkăn ăt dôk siam mơh, mâo ênoh yuôm kơ hƀuê ênuk leh anăn dhar kreh.

Anei jing kdrăp tông đưm, bi mklă kơ klei hdĭp dhar kreh ai tiê lu jơr mnuih tinei hlăk đưm đă, bi mklă phŭn agha mdê hjăn mơ̆ng krĭng Lăn Dap Kngư. K’iăng nai prŏng, nai prĭn Bùi Văn Liêm, K’iăng Khua Êpul hgŭm ksiêm hriăm kơ mnơ̆ng đưm Việt Nam,  Khua Êpul hgŭm mnơ̆ng kriê pioh dhar kreh ala čar bi mklă, Lâm Đồng jing krĭng Lăn yuôm bhăn, mâo lu mta mnơ̆ng hin, boh sui hƀuê ênuk - dhar kreh hŏng lu mnơ̆ng đưm, anôk siam, anôk hdĭp mda lu djuê ana.