Khánh Hòa drông gưl phiơr Nordwind mơ̆ng Moscow leh giăm 5 thŭn mjưh mdei
Thứ ba, 10:58, 30/09/2025
Pô mblang: H Zawut Byă/VOV
Pô mblang: H Zawut Byă/VOV
VOV.Êđê - Yang hruê (29/9), ti kdrŭn êdeh T2 Tač êdeh phiơr prŏng Cam Ranh, Knơ̆ng bruă sang čư̆ êa čar Khánh Hòa mkŏ mjing leh gưl drông êdeh phiơr tal êlâo mơ̆ng Moscow mơ̆ng Knơ̆ng bruă êdeh phiơr Nordwind Airlines, lŏ pŏk êlan phiơr Russia - Nha Trang leh giăm 5 thŭn mjưh mdei.
Ti wăl mjưh prŏng T2, 20 čô tue tal êlâo mâo mđup brei mnga leh anăn mnơ̆ng bi hdơr. Dŭm klei kdŏ djuê ana, klei mmuñ djuê ana kwang drông, mjing ai êwa hơuh mđao, jĕ giăm.
Lu phung tue bi êdah klei mơak tơdah lŏ wĭt ti Khánh Hòa, anôk truh mưng hŏng êa ksĭ mtah, čuah kô̆, mđiă siam. Klei kơrŭ wĭt êlan phiơr Russia amâo djŏ knŏng jing lŏ pŏk gưl hiu čhưn lu ala čar yuôm bhăn ôh, ƀiădah lŏ bi mklă Nha Trang jing anôk truh jĕ giăm, jăk siam, mđing kơ klei kñăm jing anôk phŭn hiu čhưn ênguê mrô sa ti Ngŏ Dhŭng Asi.
Viết bình luận