VOV4.Êđê- Leh 3 hruê mkŏ mjing mơak mñai hŏng lu mta bruă jiă kma knhuah dhar kreh dŭm djuê ana krĭng Lăn Dăp Kngư, mmăt mbruê 1/12, ti Wăl tač 16/3, ƀuôn prŏng Kon Tum, čar Kon Tum, Phŭn bruă dhar kreh mjuăt asei mlei leh anăn hiu čhưn ênguê mkŏ mjing leh knăm bi ruê̆- ksiêm wĭt hruê knăm Dhar kreh, mjuăt asei mlei leh anăn hiu čhưn ênguê dŭm djuê ana krĭng Lăn Dăp Kngư gưl ta 1 thŭn 2023.

VOV4.Êđê- Knăm m’ak mdiê mrâo mơ̆ng mnuih ƀuôn sang djuê ana Bru ti să Ngân Thủy, kdriêk Lệ Thủy, čar Quảng Bình mrâo mâo Phŭn bruă Dhar kreh, Mjuăt ktang asei mlei lehanăn Hiu čhưn ênguê tŭ yap jing Knhuah gru Dhar kreh amâo êdah klă ala čar. Leh kơnăn, čar Quảng Bình pŏk leh lu hdră kñăm kriê pioh, mđĭ lar dŭm boh tŭ yuôm dhar kreh amâo êdah klă hlăm alŭ wăl. Kriê pioh lehanăn mđĭ kyar Knăm m’ak huă asei mrâo mơ̆ng mnuih djuê ana Bru ti čar Quảng Bình mguôp hŏng hdră mđĭ kyar bruă hiu čhưn ênguê srăng đru mkra mđĭ klei hdĭp hdră duh mkra – ala ƀuôn mơ̆ng mnuih ƀuôn sang djuê ƀiă ti krĭng duôr čư̆ prŏng.

VOV4.Êđê- Êlâo anăn, tlam mbruê (29/11), nao ksiêm dlăng hdră mprăp kơ Knăm pŏk Hruê m’ak Dhar kreh, Mjuăt ktang asei mlei lehanăn Hiu čhưn ênguê dŭm djuê ana krĭng Lăn dap kngư tal 1, thŭn 2023 ti Wăl tač prŏng hruê 16/3, ƀuôn prŏng Kon Tum, čar Kon Tum, Đại tướng Tô Lâm, Khua hlăm Phŭn bruă kđi čar, Khua phŭn bruă kahan ksiêm nao tui ksiêm leh dhar kreh čing čhar Lăn dap kngư lehanăn mđup brei Radio kơ 100 čô mbruă čar Kon Tum.

VOV4.Êđê- Aguah 29/1, ti Wăl tač prŏng 16/3, ƀuôn prŏng Kon Tum, Phŭn bruă Dhar kreh, Mjuăt ktang asei mlei lehanăn Hiu čhưn ênguê mphŭn pŏk Hdră dhar kreh, mjuăt ktang asei mlei lehanăn hiu čhưn ênguê dŭm djuê ana krĭng Lăn dap kngư.

VOV4.Êđê - Ti ƀuôn prŏng Đà Lạt, Lâm Đồng, klei bi lông fim Việt Nam tal 23 bi ruĕ leh lehanăn mđup brei klei pah mni.

VOV4.Êđê- Thŭn anei giăm 70 thŭn leh ƀiădah pô mbruă Kpă Huăt (kreh iêu Aê Sêna) ti ƀuôn Ama Djơng, alŭ mrô 9, ƀuôn hgŭm Đoàn Kết, wăl krah Ayŭn Pa, čar Gia Lai, jih ai tiê hŏng bruă krah mkra rup hŏng kyâo. Hŏng kiê kngan mbruă ñu krah mkra leh rup siam êdi, jiă knhuah dhar kreh mơ̆ng mnuih Jarai.

VOV4.Êđê-Hlăm jar hdră bi lông fim Việt Nam tal 23, hruê 23/11, ti ƀuôn prŏng Đà lạt, Anôk bruă fim rup, Phŭn bruă dhar kreh mjuăt ktang asei mlei - hiu čhưn ênguê bi hgŭm hŏng Knơ̆ng bruă dhar kreh mjuăt ktang asei mlei - hiu čhưn ênguê Lâm Đồng mkŏ mjing klei bi trông “Dŭm bruă phŭn hlăm klei mkŏ mjing bruă fim rup Việt Nam.

VOV4.Êđê- Mmăt 21/11, ti ƀuôn prŏng Đà Lạt (Lâm Đồng) mphŭn pŏk klei bi lông fim Việt Nam tal 23. K’iăng Khua knŭk kna Trần Hồng Hà nao hlăm knăm mphŭn pŏk.

VOV4.Êđê- Leh 3 hrue mkŏ mjing mtluk mtlak, mlam mmăt hrue 20/11, hrue mơak dhar kreh djăp djuê ana ti čar Daklak mâo bi ruĕ leh.

VOV4.Êđê- Ti Sang kriê pioh kdrăp mnơ̆ng Dak lak, Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê čar bi hgŭm hŏng Anôk bruă sang čư̆ êa ƀuôn prŏng Ƀuôn Ama Thuôt mkŏ mjing klei bhiăn iêu mtâo êkei wĭt kơ sang mơ̆ng mnuih Êđê.