Bi hrô hŏng anăn, lu hdră dhar kreh, kdŏ mmuñ srăng dưi pŏk ngă mơ̆ng gưl čar truh kơ nah gŭ, mjing ai êwa hơ̆k mơak čiăng mnuih ƀuôn sang drông Têt. Hdră amâo mnah phao briêng kbiă hriê mơ̆ng hdră čiăng mđing kriê dlăng mnơ̆ng dhơ̆ng, klei hdĭp mnuih ƀuôn sang, mđing msir mghaih klei truh yan adiê ngă, krŭ wĭt bruă duh mkra lehanăn bi hơĭt klei hdĭp mnuih ƀuôn sang dŭm alŭ wăl mrâo hmăi mơ̆ng klei adiê hjan êa lip hƀuê ênuk.

Mơak thŭn mrâo Bính Ngọ 2026, čar Dak Lak srăng mkŏ mjing hdră kdŏ mmuñ mơak Đảng, mơ̆ng yan mnga hŏng akŏ “Dak Lak: Čư̆ dliê lehanăn êa ksĭ, kpưn đĭ kbưi hĭn”. Hdră anei mkŏ mjing mmăt 16/2, jing mlam 29 Têt, ti ƀuôn hgŭm Ƀuôn Ama Thuôt lehanăn ƀuôn hgŭm Tuy Hòa./.