Hŏng akŏ “Mnga anh đào Đà Lạt – bi klin lu êa mil mơ̆ng yan mnga”, knăm mơak lŏ mđĭ kơ knhuah siam mơ̆ng mta mnga bi ala kơ ƀuôn prŏng Đà Lạt, lehanăn hưn mdah kơ anak mnuih Đà Lạt ênang, jăk, thâo drông tue.

Knăm mơak mkŏ mjing mơ̆ng hrue 16/1 hlŏng truh kơ akŏ mlan 2/2026 ti lu anôk hlăm wăl krah lehanăn wăl êngao, tinăn mđing êdi jing klei bi msiam ktue êlan Trần Hưng Đạo, mâo lu klei mă rup, čih kač rup, klei kdŏ ruĕ hlăm êlan klông, lehanăn klei hưn mdah kơ boh mnga, mnơ̆ng mơ̆ng OCOP, čê, kphê mơ̆ng alŭ wăl. Knăm mơak dưi lŏ pŏk phai truh hlăm alŭ wăl hiu čhưn ênguê ênao Tuyền Lâm, krĭng čê Cầu Đất, Tlung klei khăp, mâo mbĭt hŏng lu bruă ngă klei hiu čhưn ênguê hlăm bruă lŏ hma, bi mguôp dhar kreh, lehanăn mdah čing čhar, đru mtrŭt mđĭ bruă hiu čhưn ênguê, lehanăn hưn mdah rup kơ krĭng mnga./.