VOV.Êđê - Hruê 18/12, ti Lạng Sơn, Êpul mă bruă Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê čar Dak Lak mă bruă hŏng Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê čar Lạng Sơn kñăm bi trông klei thâo hlăm hdră kriê dlăng knŭk kna lehanăn mđĭ kyar bruă hiu čhưn ênguê êpul êya hluê hdră hơĭt kjăp.

VOV.Êđê- Ti krah ktuê êlan đĭ kyar lehanăn bi mlih mrô dôk lả bra hlăm djăp ƀuôn êlan krĭng čư̆ čhiăng, dŭm boh tŭ yuôm dhar kreh đưm mŏng mnuih ƀuôn sang Lăn dap kngư amâo kdŭn phă tluôn ôh. Mklăk hŏng anăn, kyua klei klei mĭn mrâo lehanăn jih ai tiê kơ bruă mơ̆ng phung mda asei mnuih djuê ana ƀiă Lăn dap kngư, dŭm ênai kwang čing čhar, bruă djuê ana mơ̆ng đưm amâo dah knhuah hdĭp jăk ênang hlăk dưi “ƀrơ̆k mdih” hluê hdră mrâo – lar bra hlăm kdrăp mrô, truh hŏng êpul êya.

VOV.Êđê- Krah dliê kmrơ̆ng liă lia, mnuih Êđê ti dŭm ƀuôn sang Lăn Dap Kngư thâo yua mnơ̆ng dhơ̆ng jăk mơ̆ng dliê kmrơ̆ng čiăng mkra mjing mnơ̆ng ƀơ̆ng jăk. Sa hlăm anăn jing djam mơ̆ng boh knôk, sa mta boh mâo mnâo phĭ ƀơ ƀiă, mmih ƀiă.

VOV.Êđê- Ti krah ênhiang hdĭp mrâo hruê anei, lu ƀuôn sang ti Dak Lak, ênai čing ăt dưi kriê pioh leh anăn mâo klei mrâo mrang. Dhar kreh čing čhar dôk dưi lŏ čuê mơ̆ng phung mda asei, phung mbruă, leh anăn wăt êpul tông čing čhar hlăm dŭm ƀuôn êlan, đru mguôp hlăm bruă răng kriê knhuah dhar kreh, mđĭ klei mjĕ êrô dhar kreh leh anăn mkŏ mjing ruo Dak Lak jĕ giăm, jăk siam hlăm klei ñŭ kma.

VOV.Êđê- Hŏng klei đăo knang djăp mta mnơ̆ng mâo mngăt, êlâo kơ wưng buh pla, mnuih Jarai ti čar Gia Lai ngă yang mdiê čiăng akâo kơ yang kơup mgang, brei angĭn hjan siam, mnơ̆ng pla mjing čăt đĭ, klei hdĭp trei mđao leh anăn yâo mơak. Khădah klei pla mjing ară anei mdê leh, ƀiădah klei ngă yang mdiê ăt dôk djă pioh msĕ si phŭn dhar kreh, bi êdah klei hdơr kơ lăn adiê leh anăn mtă mtăn kơ anak mnuih hdĭp jăk hŏng dliê kmrơ̆ng.

VOV.Êđê - Hŏng hdră tă mđĭ kyar hiu čhưn ênguê leh anăn hiu čhưn ênguê dhar kreh, čar Dak Lak bi liê mkŏ mjing ƀuôn hiu čhưn ênguê êpul êya, mkŏ mjing mnơ̆ng dhơ̆ng hiu čhưn ênguê jiă kma knhuah Lăn dap Kngư.

VOV.Êđê - Ti krĭng ƀuôn prŏng čư̆ čhiăng Pleiku, čar Gia Lai, dŭm boh sang Jarai điêt, hơĭt ênang dôk bi mlih prŏng êdi. Êdah êdi msĕ si ƀuôn Ơp, ƀuôn Ia Nueng, amâo djŏ knŏng jiă knhuah dhar kreh Lăn dap kngư, ƀiădah lŏ jing gru mngač hlăm hdră mđĭ kyar bruă hiu čhưn ênguê êpul êya mguôp hŏng bruă kriê pioh knhuah dhar kreh djuê ana, mjing hdră duh ƀơ̆ng hơĭt kjăp kơ mnuih ƀuôn sang.

VOV.Êđê- Hlăm wăl dhar kreh čĭng čhar Lăn Dap Kngư - mnơ̆ng kriê pioh dhar kreh mơ̆ng anak mnuih, dŭm boh sang krum Êđê msĕ si sa kdrêč mngăt êwa mơ̆ng ƀuôn sang. Amâo djŏ knŏng jing anôk dôk mơ̆ng gŏ sang, ƀiădah lŏ jing gru hmô klei mă djuê mơ̆ng amĭ. Tinăn, hlăm thŭn mlan, ăt adôk djă pioh ênai čing, klei kưt mmuñ, klei khan leh anăn dŭm boh tŭ dưn dhar kreh mơ̆ng mnuih Êđê. Hlăm yan huă mblăm mnăm thŭn ti Lăn Dap Kngư, leh mkra sang Êđê, mnuih Êđê ti čar Dak Lak ngă yang đĭ dôk sang mrâo rŭ mdơ̆ng. Ară anei alum kơ ƀĭng găp drei nao hŏng klei ngă yang sang mrâo ti sa Čư̆ Pơ̆ng, čar Dak Lak.

VOV.Êđê- Mnuih K’Ho ti nah dhŭng lăn dap kngư mâo hjiê dhar kreh jăk siam, hlăm anăn mâo dŭm klei kưt muiñ msĕ si reng, loong, tòng bơr, tam pơ̆t, tam pla… mâo nanao hlăm dŭm knăm mơak. Mbĭt hŏng ênai čing čhar, klei kdŏ, hlăm dŭm knăm mơak snăn mnuih K’ho kăn kƀah rei klei kưt muiñ.

VOV.Êđê- Mlan 7 thŭn 2020, Êpul bruă sang hră mơar, kreh knhâo mrâo mrang leh anăn dhar kreh Êpul hgŭm lu ala čar (Unesco) tŭ yap leh Wăl kriê pioh mnơ̆ng gŭ lăn UNESCO Dak Nông jing Wăl kriê pioh tar rŏng alwn. Êngao kơ dŭm mnơ̆ng yuôm lŭ lăn, mnơ̆ng đưm, lu jơr mnơ̆ng hdĭp, anôk anei lŏ djă pioh knhuah dhar kreh mơ̆ng dŭm djuê ana hdĭp ti čư̆ čhiăng Mnông, hlăm anăn mâo čing čhar Lăn Dap Kngư - mnơ̆ng kriê pioh bi ala mơ̆ng anak mñuih. Ênai mơ̆ng lăn, knhuah dhar kreh mkŏ mjing leh “Krĭng ênhiang mmuñ” - Wăl kriê pioh mnơ̆ng gŭ lăn UNESCO Dak Nông, iêo jak phung tuê.