Gia Lai: êbeh 3000 čô nao hgŭm bi lông êran Olympic kyua klei suaih pral mnuih ƀuôn sang, kyua klei êđăp ênang lăn čar
Thứ hai, 10:31, 23/03/2026
VOV TAYNGUYEN
VOV TAYNGUYEN
VOV.Êđê- Aguah 22/3, ti wăl tač Nguyễn Tất Thành (ƀuôn hgŭm Quy Nhơn), knơ̆ng bruă dhar kreh, mjuăt asei mlei leh anăn hiu čhưn ênguê bi mguôp hŏng kahan ksiêm čar Gia Lai mkŏ mjing knăm mtrŭn mjhar hruê êran Olympic kyua klei suaih pral mnuih ƀuôn sang, kyua klei êđăp ênang lăn čar thŭn 2026.
Blŭ hrăm hlăm knăm, Đại tá Ngô Cự Vinh, k’iăng khua kahan ksiêm čar Gia Lai mñă ktang, hruê êran amâo djŏ knŏng jing klei mjuăt ktang asei mlei klă klơ̆ng ƀiădah lŏ mâo boh tŭ dưn bruă kđi čar, đru mđĭ klei thâo săng, mkŏ mjing klei hdĭp jăk siam, kyua sa Việt Nam đĭ kyar hơĭt kjăp.
Leh knăm mtrŭt mjhar, mkŏ mjing klei bi lông êran sa ai hŏng hruê êran Olympic kyua klei suaih pral jih jang mnuih ƀuôn sang thŭn 2026, hŏng klei nao hgŭm mơ̆ng giăm 3.000 čô. Hluê anăn, êran mơ̆ng wăl tač Nguyễn Tất Thành, êran truh anôk dar Nguyễn Tất Thành - Trường Chinh, leh anăn lŏ wĭt ti wăl tač Nguyễn Tất Thành, hŏng boh taih hlăm brô 2km.
Viết bình luận