Klei rang mdah mâo 180 rup mơ̆ng 131 čô mă rup kluôm ala, lač jăk siam kơ klei hdĭp, dhar kreh leh anăn klei bhiăn hdĭp mda mơ̆ng 54 djuê ana Việt Nam.  Dŭm klei čih mâo hlăm lu krĭng kwar kluôm ala, lač klă kơ klei jăk siam lu jơr hlăm klei hdĭp mda, mă bruă, klei đăo leh anăn kdrăp čŭt hơô grăp djuê ana.

 Hlue si Trần Thị Thu Đông, Khua Êpul hgŭm mă rup Việt Nam, klei rang mdah jing boh tŭ klei pŏk ngă kluôm ala leh anăn ruah bi nik hlăm êbeh 4000 pŏk rup hgŭm. Anei amâo djŏ jing bruă ngă kdŏ mmuñ ôh ƀiădah lŏ đru hưn mdah rup lăn čar, anak mnuih Việt Nam truh hŏng mnuih ƀuôn sang leh anăn tue hiu čhưn. Anôk bruă mkŏ mjing čang hmăng lar bra klei khăp kơ dhar kreh djuê ana, mđĭ klei thâo săng kriê pioh leh anăn mđĭ lar knhuah jăk siam dŭm djuê ana hlăm klei hdĭp mrâo mrang. Klei rang mdah srăng mkŏ mjing truh jih hruê 6/4 kơ anăp.