VOV.Êđê- Knăm Kareh – Katal jing sa klei bhiăn bi hdơr ăt dôk mâo êpul êya mnuih Chăm hlue đăo Islam Ba Ni ti čar Khánh Hoà leh anăn Lâm Đồng kriê pioh. Knăm anei amâo djŏ knŏng hưn mthâo hŏng aduôn aê atâo atiêt hlăm djuê ana diñu mâo thiăm mnuih prŏng, mbĭt anăn klă sĭt jing sa čô hlue đăo Islam.

VOV.Êđê- Hlue si K’iăng Khua Sang mđung asăp blŭ Việt Nam Phạm Mạnh Hùng, klei mñă mơ̆ng Klei bi lông thŭn anei jing gưl tal êlâo mkŏ mjing klei bi trông lu ala čar kơ podcast, mâo 35 čô thơ̆ng kơ bruă leh anăn lu êpul thơ̆ng kơ bruă ala tač êngao.

Ti krah krĭng čư̆ dliê Lăn dap kngư, anôk krĭng knông lăn să Quảng Trực, čar Lâm Đồng, khădah adôk dleh dlan, ênai čing mơ̆ng mnuih ƀuôn sang Mnông ăt kwang nanao grăp mlam knhal jih hruê kăm. Čing čhar tinei dôk jing kdrông mkŏ bi mguôp êpul êya, đru kriê pioh kjăp dhar kreh lehanăn lar bra ai tiê bi mguôp hlăm dŭm bruă yuôm bhăn ti alŭ wăl lehanăn ala čar.

VOV.Êđê - Sa hlăm dŭm hdră bruă jăk êdi, jak iêu lu phung tuê hiu čhưn ênguê lehanăn mnuih ƀuôn sang alŭ wăl mđing dlăng hlăm Hruê kăm mphŭn pŏk thŭn hiu čhưn ênguê ala čar 2026 ti Gia Lai jing “Hruê mơak Mnơ̆ng ƀơ̆ng huă”. Mâo hlăm brô 50 anôk rang mdah mnơ̆ng, hlăm anăn mâo 28 anôk rang mdah mnơ̆ng ƀơ̆ng huă, hŏng klei hgŭm mơ̆ng phung thơ̆ng kơ bruă tŭk knă. Hruê mơak lŏ đru mpŭ mni boh tŭ yuôm mnơ̆ng ƀơ̆ng huă dŭm djuê ana ti krĭng lăn dap kngư.

VOV.Êđê - Dŭm thŭn giăm anei, dŭm sang hră ti krĭng lăn dap kngư mkŏ mjing leh hdră brei phung hđeh tui ksiêm kơ knhuah dhar kreh đưm mơ̆ng dŭm djuê ana. Sang dlông, mnga boh đêč ti mnơ̆ng pơ̆k mñam, čing čhar Lăn dap kngư… dŭm boh tŭ yuôm dhar kreh djuê ana đưm kbiă mơ̆ng hdruôm hră jing leh dŭm gru hmô, hdră mkra lehanăn klei bi lông jăk êdi êngao ti adŭ hriăm.

VOV.Êđê - Mnuih Mông ti să Tân Hợp, čar Lào Cai bi mĭn nanao kriê pioh dliê jing “jăk mơak”. Grăp thŭn, bruă hlue ngă klei bhiăn knăm hdơr knga kơ yang dliê, čang hmăng adiê hlĭm hjan djŏ yan, răng mgang ƀuôn sang, jing hdră mnuih ƀuôn sang bi êdah klei thâo srăng răng mgang wăl hdĭp mda leh anăn klei bi mguôp êpul êya. Knăm ngă yang dliê mnuih Mông lŏ jing klei yuôm bhăn êlam snăk, mđing kơ klei kñăm čar Lào Cai dôk gĭr hlue ngă mđĭ “Ênoh mrô jăk mơak” kơ mnuih ƀuôn sang, mă anak mnuih jing phŭn, dlăng anei jing hnơ̆ng mkă kơ klei đĭ kyar kjăp mơ̆ng alŭ wăl

VOV.Êđê - Aguah (26/3), ti Wăl tač 10/3, ƀuôn hgŭm Ƀuôn Ama Thuôt, Êpul hgŭm mă rup Việt Nam bi hgŭm hŏng Êpul hgŭm čih mkra, kač rup čar Dak Lak mphŭn pŏk klei rang mdah hŏng akŏ “Êa mil dŭm djuê ana Việt Nam”.

VOV.Êđê - Ƀuôn prŏng êa ksĭ Quy Nhơn dôk mŭt hlăm wưng hiu čhưn êngiuê. Mbĭt anăn, dŭm hdră bruă mơ̆ng Thŭn hiu čhưn ênguê ala čar – Gia Lai 2026 dơ̆ng mkŏ mjing, mđrĭng hŏng anăn lei čiăng ba yua êdeh êran hŏng pui kmlă hiu čhưn ênguê đĭ lu. Čiăng rơ̆ng klei êđăp ênang kơ tuê hiu čhưn, dŭm êpul bruă atăt tuê hiu čhưn mơ̆ng êdeh êran hŏng pui kmlă dôk mđĭ hdră ksiêm dlăng, rơ̆ng klei êđăp ênang ba yua.

VOV.Êđê- Aguah 22/3, ti wăl tač Nguyễn Tất Thành (ƀuôn hgŭm Quy Nhơn), knơ̆ng bruă dhar kreh, mjuăt asei mlei leh anăn hiu čhưn ênguê bi mguôp hŏng kahan ksiêm čar Gia Lai mkŏ mjing knăm mtrŭn mjhar hruê êran Olympic kyua klei suaih pral mnuih ƀuôn sang, kyua klei êđăp ênang lăn čar thŭn 2026.

VOV.Êđê- Êa msĭn Phan Thiết mâo hƀuê ênuk knhuah gru sui thŭn hŏng êbeh 300 thŭn, jing mta mnơ̆ng jăk hing ang mŏng krĭng Bình Thuận hđăp, ară anei jing čar Lâm Đồng. Bruă mkra êa msĭn Phan Thiết dưi ba mdah bi mklă jing knhuah gru dhar kreh. Anei jing klei ktưn hưn mơ̆ng mnuih ƀuôn sang Phan Thiết.