Klei bi lông mkŏ mjing mơ̆ng hruê 11-15/5 ti tač bi lông mjuăt asei mlei Pleiku Arena leh anăn Anôk bruă mjuăt asei mlei Hàm Rồng, mâo 12 êpul čưng boh.  Hlăm anăn mâo 7 êpul ala tač êngao hriê mơ̆ng Dhŭng Korea, Japon, China, Lào, Malaysia hŏng 5 êpul hlăm ala čar mâo PVF, Hà Nội T&T, Sông Lam Nghệ An, Trường Tươi Bình Phước leh anăn LPBank Hoàng Anh Gia Lai.

Blŭ hrăm hlăm knăm mphŭn pŏk, Phạm Anh Tuấn, Khua Knơ̆ng bruă sang čư̆ êa čar Gia Lai brei thâo, Festival čưng boh mda asei lu ala čar- Gia Lai 2026 hŏng klei hgŭm mơ̆ng dŭm êpul čưng boh mrô sa hlăm ala čar leh anăn ala tač êngao hlăm gưl 14 thŭn bi êdah leh ai ktang iêô jak mơ̆ng klei anei; mbĭt anăn bi mklă klei gĭr čar Gia Lai dôk grăp knhuang mkŏ mjing sa anôk truh jăk kơ dŭm bruă mjuăt asei mlei leh anăn hiu čhưn ênguê hnơ̆ng ala čar, lu ala čar.