Truh kơ ară anei, dŭm phŭn, dhar bruă alŭ wăl bi leh hră mơar jao 13 êbâo êklai prăk gưl dlông thŭn 2025 kơ thŭn 2026, ƀiădah, ênoh prăk brei čan knŏng mrâo mâo mă hlăm brô 540 êklai prăk.

Bi klă hlăm klei bi kƀĭn, k’iăng Khua Knŭk kna mñă ktang boh tŭ  dưn mơ̆ng dŭm hdră mkŏ mkra krĭng ƀuôn sang mrâo, bi hrŏ ƀun leh anăn mđĭ kyar krĭng mnuih djuê ƀiă, krĭng čư̆ čhiăng, boh nik jing dŭm alŭ wăl dleh dlan, krĭng taih kbưi. K’iăng Khua Knŭk kna mñă kơ dŭm phŭn, dhar bruă, alŭ wăl mđĭ hĭn bruă klam, mtrŭt bi pral, rơ̆ng kơ mnuih ƀuôn sang hnưm dưn hdră êlan, amâo mâo čang guôn, mbĭt anăn mjêč bi kluôm êpul gĭt gai, anôk bruă đru čiăng mđĭ boh tŭ dưn klei ngă bruă.