Dak Lak: Kčŭt hưn pô ngă soh jing thiếu tá hđăp amâo mâo đru dŏng pô mâo klei truh hlăm êlan klông
Thứ sáu, 06:00, 24/04/2026
VOV Tây Nguyên
VOV Tây Nguyên
VOV.Êđê - Aguah mbruê 23/4, Kahan ksiêm čar Dak Lak mkŏ mjing klei kƀĭn bruă klei mrâo kơ klei truh hlăm êlan klông ngă kơ sa čô hđeh sang hră adŭ 12 djiê, ngă kơ mnuih ƀuôn sang čôñ ăl êdi hlăm dŭm hruê êgao.
Anôk bruă kahan ksiêm ksiêm duah kčŭt hưn klei ngă hŏng thiếu tá hđăp Nguyễn Quang Hoàng kyua klei soh ƀuh amâo mâo đru dŏng mnuih hlăm klei kjham arưp truh kơ asei mlei. Êlâo kơnăn, ayang hruê 15/4, ti êlan dơ̆ng mrô 29 găn să Čư̆ Pơ̆ng, adei V.Đ.Q (18 thŭn) mgăt êdeh amâo dưi ksiêm dlăng klei pral mnuh lĕ hlăm mnuôr êa leh anăn hlŏng djiê. Boh tŭ klei ksiêm duah bi klă, hlăm mmông mâo klei truh, Hoàng mgăt êdeh môto tiŏ pô djiê.
Leh ƀuh pô anăn mâo klei truh, ñu amâo mâo đru ôh ƀiădah đuĕ hĕ msĕ amâo mâo ƀuh. Ară anei pô ngă soh Nguyễn Quang Hoàng arăng lŏ sua wĭt leh anăn knăl kahan ksiêm yang ƀuôn, brei mdei bruă mă leh anăn mdei klei kƀĭn Đảng čiăng đru kơ klei ksiêm duah.
Viết bình luận