Hlăm klei thâo bi hgŭm, jih ai tiê, dua čô khua kiă kriê mâo leh klei bi trông kjăp kơ boh klei mdê bi ala čar, klei bi hgŭm dua nah, lehanăn dŭm bruă hlăm alŭ wăl, bruă ala tač êngao hlăk mâo klei bi mđing. Dua nah mñă bruă hlue ngă dŭm hdră êlan hgŭm klei duh mkra hlăm boh klei mrâo, anăp truh kơ klei bi mnia mblei dua nah truh 150 êklai USD hlăm thŭn 2030; lehanăn ƀuăn mjing djăp klei găl hlăm klei bi mnia mblei, pŏk anôk mnia mblei, lehanăn đru phung duh mkra Việt Nam hlăm klei bi hgŭm mbĭt hŏng Dhŭng Korea.

Khua gĭt gai Tô Lâm čang hmăng kơ dua nah mđĭ klei bi hgŭm ksiêm duah, mlih mrâo kdrăp mă bruă , boh nik hlue ngă tŭ jing bruă mkŏ mjing anôk ksiêm duah klei kreh knhâo kdrăp mrâo Việt Nam – Dhŭng Korea (VKIST). Khua mil čhil Li Che Miêng brei thâo, Dhŭng Korea srăng đru kdrăp mrâo mrang kơ klei thâo mĭn anak mnuih, kơ  bán dẫn, kơ bruă pui kmlă doh, đru bi mđĭ kyar lăn čar, lehanăn mđĭ kyar klei kreh knhâo ti Việt Nam; čiăng kơ dua nah bi hgŭm anôk mlih mrâo hlăm klei knhêč, rŭ mjing bruă knuă plah wah dua ala čar./.