Lu phung bi ala bi mni kơ ai tiê đua klam, klei mbruă leh anăn klei jih ai tiê mơ̆ng   Bruă kƀĭn ala, Knŭk kna hlăm bruă hmao mkra mlih hdră êlan jia kñăm ruh mgaih klei dleh dlan kơ anôk bruă duh mkra, mbĭt anăn mđĭ ênoh hrui wĭt knŭk kna, mđing kơ klei kñăm đĭ kyar.

Kơ hnơ̆ng hrui wĭt tŭ jia, dŭm klei blŭ mguôp akâo brei ksiêm dlăng bi nik mơ̆ng tur knơ̆ng ksiêm dlăng klei hmăo kluôm, rơ̆ng djŏ guôp hŏng boh sĭt leh anăn mtăp mđơr plah wah mnuih, anôk bruă duh mkra, ăt msĕ mơh djŏ hŏng hnơ̆ng bi hrŏ kơ boh klei mơ̆ng phung mă bruă ƀơ̆ng prăk mlan. Pô bi ala Phan Đức Hiếu (Êpul Hưng Yên) kčĕ klei kčah mtrŭn lăm lui jia ƀiă êdi 1 êklai prăk truh kơ 3 êklai prăk, mbĭt anăn akâo kơ Bruă kƀĭn ala bi mklă hruê čiăng bi hrŏ klei ktrŏ bi liê kơ jih anôk bruă duh mkra leh anăn anôk bruă kriê dlăng.