Êlâo kơ mjưh ruĕ, Bruă kƀĭn ala bi mklă lu Hdră mtrŭn yuôm bhăn. Anăn jing Hdră mtrŭn kơ klei bi mklă tĭng tla prăk knŭk kna thŭn 2024; Hdră mtrŭn kơ Hdră ksiêm dlăng mơ̆ng Bruă kƀĭn ala thŭn 2027; Hdră mtrŭn kơ klei mkŏ mjing Êpul ksiêm dlăng thơ̆ng mơ̆ng Bruă kƀĭn ala thŭn 2027; Hdră mtrŭn mơ̆ng Bruă kƀĭn ala kơ klei mđĭ kyar dhar kreh Việt Nam; Hdră mtrŭn kơ hdră kčah mđĭ kyar bruă duh mkra - ala ƀuôn 5 thŭn wưng 2026 – 2030;

Hdră mtrŭn kơ hdră kčah bi liê knŭk kna wưng man dưn 2026 – 2030; Hdră mtrŭn kơ klei bhiăn, hdră êlan mdê hjăn čiăng msir mgaih klei ngă soh hdră bhiăn kơ lăn ala mơ̆ng êpul bruă, phung mâo êlâo kơ Hdră bhiăn lăn ala thŭn 2024 mâo klei dưn yua leh anăn hdră msir lŏ dơ̆ng ruh mgaih klei dleh dlan, gun kpăk kơ dŭm hdră bruă kpăk đuôm, bi kdung sui. Bruă kƀĭn ala bi mklă Hdră bhiăn mkra mlih, mbŏ dŭm mta klei mơ̆ng Hdră bhiăn hrui jia grăp čô, Hdră bhiăn ênoh yuôm đĭ, Hdră bhiăn jia hrui mă anôk bruă duh mkra leh anăn Hdră bhiăn jia ba čhĭ mdê hjăn.