Kñăm ƀư̆ mkra bruă anei, Knơ̆ng bruă sang ccư̆ êa čar Dak Lak kƀĭn ksiêm dlăng hnơ̆ng leh anăn ruh mgaih klei dleh dlan kyua Anôk bruă kriê dlăng bi liê mkŏ mjing hdră bruă sơ wil leh anăn tuh tia mkra mjing čar ngă pô bi liê. Anôk bruă anei mâo jao lu hdră bruă ƀiădah knŏng mrâo bi liê 10% hdră kčah. Thŭn 2026 Anôk bruă mâo jao kriê dlăng 33 hdră bruă, hŏng ênoh hdră kčah bi liê êbeh 917 êklai prăk.

Khădah snăn, hnơ̆ng pŏk ngă leh anăn bi liê adôk êmưt. Lu hdră bruă nah gŭ wăl hiu čhưn ênguê ênao Lăk, êlan N6, êlan Nguyễn Đình Chiểu mduê, anôk bruă Wăl tuh tia mkra mjing Hòa Phú… dôk tuôm hŏng klei dleh dlan hlăm bruă tla hnô, ka mâo klei bi tŭ ư hŏng mnuih ƀuôn sang. Đa đa hdră bruă mkăn mâo klei gun kpăk hlăm hdră êlan bi liê, kƀah prăk amâodah ka dưi dăp prăk bi liê. Hlăm klei bi kƀĭn, lu klei blŭ kƀĭn hlăm hdră mbha hdră bruă leh anăn msir bi jih grăp klei gun kpăk, hrô kơ bi kdung sui. Hŏng dŭm hdră bruă êmưt bi liê, Đỗ Hữu Huy,  Khua Knơ̆ng bruă sang čư̆ êa čar Dak Lak mtă huă kjăp hnơ̆ng leh anăn klei bhiăn bi liê knŭk kna. Hlăm boh klei čiăng êdi, brei ba jao prăk bi liê hnưm čiăng rơ̆ng hnơ̆ng ngă bruă.