Gia Lai bi liê êbeh 212 êklai prăk đru kơ phung mă kan hdang mlih bruă mă
Thứ sáu, 11:01, 24/04/2026
VOV Tây Nguyên
VOV Tây Nguyên
VOV.Êđê - Čiăng lŏ mkŏ wĭt dŭm êpul kŭm păn, nao mbĭt hŏng bi hơĭt hdră duh ƀơ̆ng leh anăn mđĭ kyar bruă kan hdang hơĭt kjăp, čar Gia Lai mrâo bi liê êbeh 212 êklai prăk kơ 16 să, ƀuôn hgŭm ktuê hang ksĭ čiăng ngă hdră êlan ruh hĕ kŭm păn amâo mâo djăp klei găl ngă bruă, mbĭt anăn đru kơ phung mă kan hdang bi mlih bruă mă.
Čar Gia Lai ară anei mâo 424 kŭm păn mơ̆ng 6m kơ dlông amâo mâo djăp klei găl amâodah amâo lŏ dưi nao ti êa ksĭ, srăng dưi ba yua hdră êlan đru mơ̆ng Bruă sang čư̆ êa čar. Alŭ wăl srăng đru kơ phung mă kan hdang mơ̆ng 50 - 80% ênoh mkra mrâo hmôk kŭm păn, mbĭt hŏng 70% ênoh masin leh yua.
Mbĭt hŏng anăn, phung mă kan hdang leh anăn gŏ sang mă kan hdang lŏ dưi đru sa kdrêč ênoh prăk hriăm bruă leh anăn lĭng čan ênoh prăk mnga hdjul čiăng čô̆ kơ bruă. Hlăm mlan 4/2026, čar Gia Lai mkăp brei êbeh 212 êklai prăk kơ 16 să, ƀuôn hgŭm ktuê hang ksĭ. Hlăm anăn, êbeh 206 êklai prăk kơ bruă ruh kŭm păn leh anăn êbeh 5,5 êklai prăk đru mtô bruă mă. Hdră êlan anei dôk mâo klei sa ai mơ̆ng phung mă kan hdang ti čar Gia Lai.
Viết bình luận