Hlue anăn, čar Lâm Đồng bi klă  srăng pai mă jih klei găl kơ tue hiu hlăm êlan jơ̆ng boh nik hlăm čar leh anăn mơ̆ng alŭ wăl riêng gah; mjêč bi leh, ba yua tŭ dưn mnơ̆ng dhơ̆ng hiu čhưn ênguê mlir krĭng hlue si êlan “Đà Lạt - Tà Đùng - Mũi Né”; mkŏ mjing êlan hiu čhưn ênguê mdê hjăn “Êa ksĭ - Čư̆ - Mnga”, “Ktuê hang ksĭ - Dap Kngư - Kdrăn ƀăng kơưp čư̆ pui”, pŏk ngă hdră mđĭ hiu čhưn ênguê hlue si grăp wưng, mâo klei hgŭm mơ̆ng dŭm anôk bruă duh mkra, anôk bruă dôk jưh, atăt tue hiu čhưn, dŭ mdiăng, wăl hiu čhưn ênguê, dŭm anôk bruă hiu čhưn ênguê; mđĭ bruă kriê dlăng knŭk kna hlăm bruă hiu čhưn ênguê; mkŏ mjing klei hưn mdah leh anăn mđĭ bruă mtô bi hriăm mnuih mă bruă hiu čhưn ênguê hlue si hdră klă sĭt, mguôp hŏng klei čiăng mơ̆ng anôk bruă duh mkra.

Čar Lâm Đồng gĭr hlăm thŭn 2026 drông êbeh 25 êklăk tue hiu čhưn, hlăm anăn tue ala tač êngao mâo êbeh 1,5 êklăk gưl leh anăn prăk hrui wĭt bruă hiu čhưn ênguê mâo hlăm brô 71.500 êklai prăk đĭ 26% mkă hŏng thŭn 2025.