Hŏng akŏ “Bi mguôp knhuah gru”, knăm anei hưn mthâo kơ mnuih dlăng 100 pŏk rup mơ̆ng phung mă rup dua ala čar Việt Nam lehanăn Dhŭng Korea.

Hlăm anăn, mâo 60 pŏk rup mơ̆ng phung mă rup Dhŭng Korea hưn mthâo kơ klei jăk siam lăn adiê, dhar kreh lehanăn anak mnuih krĭng lăn Kim chi; 40 pŏk rup mơ̆ng phung mă rup Việt Nam mđing hưn mthâo kơ lăn adiê, klei hdĭp dhar kreh lehanăn klei bi mlih ti krĭng lăn Dak Lak, krĭng Lăn dap kngư hruê anei. Hluê si Hồ Sỹ Minh, Kơiăng khua Êpul hgŭm phung mă rup Việt Nam, knăm anei jing hdră mâo boh tŭ yuôm hlăm hdră bi mjĕ mjuk dhar kreh mơ̆ng phung mă rup dua ala čar, đru bi êlam hĭn klei bi mjĕ Ƀĭng hgŭm phŭn kluôm dhuôm Việt Nam – Dhŭng Korea./.