VOV.Êđê - Hlăm ai hdĭp mrâo mrang hruê anei, hlăk lu ênoh yuôm dhar kreh dôk luč ram, ăt adôk mâo phung dôk kriê pioh kdrăp tông ayŭ djuê ana. Ti să ea Tul, čar Dak Lak, phung mbruă Êđê dôk hruê mlam kriê pioh leh anăn mtô klei mkra mkjing, tông ayŭ kdrăp djuê ana. Diñu jing phung mkŏ čiăng kơ ênai čing, brô̆… lŏ dơ̆ng kwang hŏng dliê kmrơ̆ng Lăn Dap Kngư.

VOV.Êđê - Hlăm wưng klei mrâo mrang mrô, êjai internet yang ƀuôn jing anôk čhĭ mnia prŏng, lu phung mda asei krĭng mnuih djuê ƀiă ti Lăn Dap Kngư pral thâo yua Facebook, Zalo, Tiktok leh anăn dŭm mbah mkăn čiăng čô̆ kơ bruă. Bruă anei amâo djŏ knŏng bi mâo djăp klei čiăng mơ̆ng phung tuê, ba wĭt hnư prăk ƀiădah lŏ đru bi lar knhuah dhar kreh jăk siam lu jơr mơ̆ng dŭm djuê ana hŏng dŭm kdrăp pơ̆k mñam.

VOV.Êđê - Gĭr dôk pơ̆k mñam ti jar mñam, kngan mbruă pral dai giê mrai, Xong ti ƀuôn Kon Wang, să Tân Tiến, čar Dak Lak dôk grăp hruê pơ̆k mñam kyua anăn dŭm blah mñam jăk siam bŏ êa mil. Hlăm klei hdĭp mrâo mrang, kdrăp djuê ana kyua ñu pơ̆k mñam hlue jơ̆ng anak čô ba ênoh yuôm, mngăt êwa mnuih djuê ƀiă nao kbưi.

VOV.Êđê - Hing ang hŏng knhuah gru êbeh 100 thŭn, ƀuôn bruă mñam añuê Phú Tân, să Ô Loan, čar Dak Lak ăt krơ̆ng kjăp knhuah mdê hjăn lehanăn jăk siam. Amâo djŏ knŏng mjing hnư hrui wĭt, hruê anei, ƀuôn bruă anei lŏ jak iêu lu phung tuê hiu čhưn ênguê hŏng hdră nao tui ksiêm ƀuôn bruă djuê ana anei.

VOV.Êđê - Hŏng mnuih Bahnar, klei bhiăn dơr djiê amâo djŏ knŏng jing sa klei bhiăn dhar kreh, ƀiădah lŏ jing klei kă kjăp bi mguôp êpul êya, ksŭl mbŭ ai tiê thâo bi đru hlăm êpul êya ƀuôn sang.

VOV.Êđê- Ti Anôk bi kƀĭn Dak Nông (ƀuôn hgŭm Đông Gia Nghĩa, čar Lâm Đồng),Knơ̆ng bruă sang čư̆ êa čar Lâm Đồng mkŏ mjing Knăm hưn mdah Hdră mtrŭn mơ̆ng Khua knŭk kna yap Mnơ̆ng kriê pioh ala čar čing boh tâo Dak Sơn.

VOV.Êđê- Mnuih ƀuôn sang M’nông ăt msĕ mơh lu djuê ana mkăn ti krĭng Lăn dap kngư, mâo lu mta čing mkăp kơ dŭm knăm mơak lehanăn hdră bi mjĕ mjuk êpul êya. Hlăm anăn, Gong Prăk dưi yap jing sa mta mnơ̆ng yuôm bhăn, amâo djŏ kyua mnơ̆ng yua mkra mdê, ênai kwang jăk hmư̆ ƀiădah lŏ mâo boh tŭ yuôm hlăm ai tiê klei mĭn, yang buôn siă suôr hŏng klei hdĭp ƀuôn sang, bi êdah knuih kơhưm, klei thâo mâo mơ̆ng grăp gŏ sang.

VOV.Êđê- Amâo mâo djŏ knŏng thâo mtô brô̆ tơrưng, čing čhar, lehanăn ênhiang klei muiñ djuê ana Xơ Đăng kơ phung hđeh gưl mrâo hlăm ƀuôn sang, A Huyền ti Đăk Tô (Quảng Ngãi) lehanăn A Bliêt ti ƀuôn hgŭm Tân Tiến (Daklak) čŏng lŏ bi lar knhuah gru dhar kreh djuê ana pô hlăm hla pŏk yang ƀuôn msĕ si hlăm Facebook, Zalo... Hŏng diñu, hlăm hla pŏk, jing anôk mdah lŏ pŏk phai, čiăng hưn mthâo kơ ênhiang kdrăp pĕ tông djuê ana pô lar truh hŏng dŭm djuê ana, kñăm lŏ mjut mjing jăk hĭn knhuah gru dhar kreh pô hlăm ai tiê phung hđeh gưl mrâo.

VOV.Êđê- Mơ̆ng đưm đă, klei hdĭp mda mnuih ƀuôn sang Êđê, mnuih djuê ƀiă ti Lăn Dap Kgư, siă suôr hŏng dliê kmrơ̆ng, pưl hma. Kdrăp mnơ̆ng yua grăp hruê hlăm klei hdĭp diñu ăt kyua anăn mơh dưi ba yua mơ̆ng dliê kmrơ̆ng. Hlăm anăn, boh giêt kŏ kra msĕ si sa mta mnơ̆ng yuôm bhăn dliê kmrơ̆ng brei kơ anak mnuih.

VOV.Êđê- Hlăm klei hdĭp mrâo mrang, klei čiăng dưi hmư̆ klei hâo hưn hŏng asăp blŭ djuê ana ƀrư̆ jing yuôm bhăn hlăm klei hdĭp mnuih djuê ƀiă ti Lăn Dap Kngư. Hŏng Radio mưng amâodah đĭng blŭ thâo mĭn, hdră mđung asăp blŭ mnuih djuê ƀiă Lăn Dap Kngư siă suôr leh hlăm êpul êya, lar bra klei jăk siam leh anăn kriê pioh klei blŭ djuê ƀiă dôk mâo klei bi knăl ƀrư̆ luč ram. Hlăm dŭm thŭn giăm anei, Anôk bruă dôk jưh ti Lăn Dap Kngư – Sang mđung asăp blŭ Việt Nam ngă lu klei ksiêm hriăm kreh knhâo, hlăm anăn akŏ kơ boh hră mrô 3 klei blŭ K’Ho, Sêdang, Mnông jing leh klei kdrăp ksiêm dlăng tŭ dưn, găl ênưih hŏng klei blŭ amĭ kkiêng, đru kơ phung mda asei ênưih thâo, mbĭt anăn đru kriê pioh leh anăn mđĭ lar knhuah jăk siam klei bjŭ djuê ana.