Festival mkŏ mjing mơ̆ng hruê 17 - 19/7 ti ƀuôn hgŭm Nha Trang leh anăn lu alŭ wăl mkăn hlăm čar, hŏng êbeh 40 mta bruă dhar kreh, kdŏ mmuñ, mjuăt asei mlei leh anăn hiu čhưn ênguê, dŭm hdră sa ai mơ̆ng hruê 10/7 - 10/8. Anei jing gưl tal êlâo leh 11 gưl mkŏ mjing, hdră bruă mlih anăn mơ̆ng Festival êa ksĭ Nha Trang - Khánh Hoà jing Festival êa ksĭ Khánh Hoà leh anăn srăng dưi mkŏ mjing grăp thŭn hrô kơ 2 thŭn sa blư̆.

Mta kñăm mơ̆ng Festival jing 3 hdră prŏng mkŏ mjing hlăm 3 hruê. Knăm mphŭn pŏk mlam hruê 17/7 dưi mkŏ mjing hnơ̆ng prŏng, ba yua kdrăp mrâo, mdah sinê 3D Mapping bi mguôp hŏng phao briêng. Mlam hruê 18/7 mkŏ mjing knăm Carnival leh anăn đĭ êdeh mnga hiu čhưn ênguê ti êlan Trần Phú. Hdră bi ruĕ mlam hruê 19/7 bi mguôp hŏng klei kdŏ mmuñ “Mkŏ 5 krĭng”. Festival thŭn anei mâo klei nao hgŭm mơ̆ng lu phung kdŏ mmuñ hing ang mbĭt hŏng dŭm êpul kdŏ mmuñ hlăm lăn čar leh anăn tač êngao.