Knăm mơak kyua Phŭn bruă dhar kreh - mjuăt ktang asei mlei leh anăn hiu čhưn ênguê bi hgŭm hŏng Knơ̆ng bruă sang čư̆ êa čar Khánh Hòa mkŏ mjing, mâo êbeh 1000 čô mbruă, phung kdŏ mmuñ, mjuăt ktang asei mlei mơ̆ng dŭm čar Khánh Hòa, Gia Lai, Dak Lak, Lâm Đồng, An Giang, Tây Ninh leh anăn ƀuôn prŏng Hồ Chí Minh.

Anôk mkŏ mjing mđup brei leh 117 Medai êa mah, 117 medai êa prăk, 234 međai êa kông hlăm klei bi lông mjuăt asei mlei; 19 klei pah mni A, 19 klei pah mni B leh anăn 20 klei pah mni C kơ dŭm bruă ngă dhar kreh, hiu čhưn ênguê. Knăm mơak jing bruă ngă klă sĭt pŏk ngă Hdră mtrŭn mrô 80 mơ̆ng Phŭn bruă kđi čar kơ klei mđĭ kyar dhar kreh Việt Nam, bi mklă bruă klam dhar kreh, hlăm anăn mâo dhar kreh Chăm, jing tur knơ̆ng ai tiê, klei găl hlăm lam leh anăn boh kdrŭt yuôm bhăn kơ klei mđĭ kyar pral, kjăp.