Hlăm hdră, êpul mkŏ mjing mtrŭt mjhar klei bi lông “Gŏ sang bi mlih mrô” čiăng bi lar boh tŭ gŏ sang hlăm ênuk mrô. Leh 25 thŭn hluê ngă bruă gŏ sang, hdră bruă mkŏ mjing gŏ sang dhar kreh dưi bi lar kluôm êlam truh dŭm alŭ, ƀuôn ti alŭ wăl čar Dak Lak. Ƀiădah, ti anăp klei đĭ kyar prak mơ̆ng yang ƀuôn mrâo mrang, klei kpĭ hŏng dŭm gŏ sang ƀrư̆ hruê ƀrư̆ đĭ, internet yang ƀuôn bi toh hroh dŭm klei mjĕ giăm.

Hlăm boh klei anăn, Knơ̆ng bruă dhar kreh, mjuăt ktang asei mlei leh anăn hiu čhưn ênguê čar Dak Lak mtrŭt mjhar klei bi lông “Gŏ sang bi mlih mrô” thŭn 2026 čoăng mđĭ klei thâo săng, klei thâo yua mrô kơ dŭm gŏ sang, mtrŭt mjhar ba yua kdrăp mrâo hlăm klei hriăm hră, mă bruă knuă, mkra mjing mnia mblei leh anăn kriê dlăng klei suaih pral. Bruă sang čư̆ êa čar Dak Lak bi myuôm boh tŭ dưn mơ̆ng klei bi lông leh anăn klei čuăn ngă klei bi lông klă klơ̆ng.