Gia Lai pŏk ngă mkŏ mjing wăl hiu čhưn ênguê amâo mâo asăp hăt
Thứ ba, 04:00, 23/06/2026
VOV Tây Nguyên
VOV Tây Nguyên
VOV.Êđê- Ti ƀuôn hgŭm Quy Nhơn, Anôk bruă hiu čhưn ênguê ala čar Việt Nam bi hgŭm hŏng Keh gang mkhư̆ klei amâo jăk mơ̆ng hăt (Phŭn bruă mdrao mgŭn) leh anăn Knơ̆ng bruă dhar kreh, mjuăt asei mlei leh anăn hiu čhưn ênguê čar Gia Lai mkŏ mjing Knăm po’k ngă “Mkŏ mjing wăl hdĭp mda amâo mâo hăt ti anôk hiu čhưn dlăng leh anăn anôk dôk jưh hiu čhưn ênguê”.
Hdră kñăm mđĭ klei thâo săng êpul êya, anôk bruă duh mkra leh anăn tue hiu čhưn kơ klei mkŏ mjing wăl hiu čhưn ênguê êđăp ênang, jăk kơ klei suaih pral; đru mđĭ kyar hiu čhưn ênguê mtah, hơĭt kjăp.
Blŭ hrăm hlăm knăm anei, khua gĭt gai Anôk bruă hiu čhưn ênguê ala čar Việt Nam brei thâo, mbĭt hŏng klei kñăm đĭ kyar kơ hnơ̆ng tue leh anăn anôk bruă hrui mă, bruă hiu čhưn ênguê dôk kƀĭn mđĭ hnơ̆ng jăk anôk truh hlue si hdră mtah, mâo bruă klam leh anăn kjăp. Bruă ruah Gia Lai - alŭ wăl mkŏ mjing Thŭn hiu čhưn ênguê ala čar 2026 - anôk truh pŏk ngă kñăm lar klei hâo hưn mkŏ mjing wăl hiu čhưn ênguê amâo mâo hăt hlăm kluôm ala čar.
Viết bình luận