Lâm Đồng yua mrô kơ anôk truh leh anăn ngăn dŏ hiu čhưn ênguê
Thứ năm, 05:00, 09/07/2026
VOV Tây Nguyên
VOV Tây Nguyên
VOV.Êđê- Bruă dhar kreh, mjuăt asei mlei leh anăn hiu čhưn ênguê čar Lâm Đồng dôk mđĭ pral mlih mrô, mđing mkŏ mjing tur knơ̆ng mrô kñăm mđĭ hnơ̆ng boh tŭ kriê dlăng, hưn mdah leh anăn duh kơ tue hiu čhưn.
Bruă hiu čhưn ênguê thâo mĭn mơ̆ng čar Lâm Đồng ară anei mâo leh ênoh mrô giăm 1.700 anôk dôk jưh, 928 anôk čhĭ mnơ̆ng huă ƀơ̆ng, 293 anôk hiu čhưn ênguê, 137 anôk blei mnơ̆ng, 617 anôk hlăp mbŭl leh anăn 644 anôk bruă êpul êya. Anei jing tur knơ̆ng yuôm bhăn duh kơ bruă kriê dlăng knŭk kna, mtrŭt mjhar hưn mdah hiu čhưn ênguê kơ mnuih ƀuôn sang, tue hiu čhưn.
Lê Thị Trúc Linh, K’iăng Khua Knơ̆ng bruă Dhar kreh, mjuăt ktang asei mlei leh anăn hiu čhưn ênguê čar Lâm Đồng, brei thâo, alŭ wăl ăt pŏk ngă hdră mrô QR mkăp klei hâo hưn ti lu anôk hiu čhưn ênguê êdah kdlưn ti alŭ wăl.
Viết bình luận