VOV.Êđê- Hruê mbruê 10/9, ti Wăl knhuah gru Sang yang Tây Sơn Tam Kiệt, să Tây Sơn, čar Gia Lai, mkŏ mjing leh knăm myơr mnga, myơr brui mngưi leh anăn knăm bi hdơr 234 thŭn hruê djiê Mtao Quang Trung - Nguyễn Huệ.

VOV.Êđê- Kơm buôt mâo anôk pia jing m’buôt, ding prao, bơnung prao… jing kdrăp tông ayŭ mâo hlăm klei hdĭp ai tiê klei mĭn mơ̆ng mnuih K’Ho ti Lăn Dap Kngư. Ƀiădah hlăm klei hdĭp ară anei, kyua dleh ba yua anăn lu phung êdam êra amâo mâo khăp ôh hŏng klei pĕ tông kơm buôt. Si srăng ngă čiăng kriê pioh nanao ênai kwang jăk siam mơ̆ng djuê ana jing klei dôk hyưt mơ̆ng pô thâo mbruă Liêng Hót Ha Chong, sa hlăm ƀiă mnuih thâo mkra mjing leh anăn yua kjăp kdrăp tông ayŭ anei.

VOV.Êđê- Pô mbruă êdah êdi A Thu, mnuih Xơ Đăng ti alŭ Đăk Trăm 1, să Kon Đào, čar Quảng Ngãi pioh leh lu thŭn kriê pioh, krŭ wĭt leh anăn mtô bi hriăm čing čhar, đĭng boh tâo mbĭt hŏng dŭm kdrăp tông ayŭ djuê ana. Amâo djŏ knŏng jing pô mkra mjing, mdah klei mbruă, ñu lŏ mtô klei khăp dhar kreh djuê ana kơ phung mda asei, čiăng kơ ênai čing Xơ Đăng lŏ hdĭp mda hlăm grăp gŏ sang, ƀuôn sang.

VOV.Êđê- Knăm mơak kpiê čeh, ênai čing čhar, êa mil dhar kreh Lăn Dap Kngư mbĭt hŏng dŭm anôk čhĭ durian, mnơ̆ng dhơ̆ng lŏ hma mâo hjăn hlăk mjing ai êwa hơ̆k mơak ti lu alŭ wăl ti čar Dak Lak hlăm gưl Knăm mơak Durian thŭn 2026. Drei hrăm mbĭt hlăm ai êwa knăm mơak ti dŭm să Liên Sơn Lăk leh anăn Êa Knuêč, hơ̆k mơak hlăm kpiê čeh mơ̆ng mnuih M'nông, leh anăn kdŏ mmuñ hlăm klei bhiăn akâo kơ yan ngă bruă djŏ boh mnga mơ̆ng mnuih ƀuôn sang Êđê…

VOV.Êđê- Hruê mgi (30/8), să Vân Hòa, čar Dak Lak, mkŏ mjing knăm tŭ drông anăn knăl kyâo Knhuah gru Việt Nam hŏng 4 phŭn kyâo prŏng mâo kriê pioh leh hlăm lu ênuk. Snăn ti nah Ngŏ čar Dak Lak ară anei mâo 25 phŭn kyâo kriê pioh Việt Nam dưi tŭ yap. Djăp phŭn kyâo mguôp hŏng klei yăl dliê mơ̆ng sa krĭng lăn. Bruă kriê pioh leh anăn mđĭ lar boh tŭ yuôm dŭm phŭn kyâo knhuah gru amâo djŏ knŏng răng mgang dŭm boh tŭ dưn ôh ƀiădah phung aduôn aê đưm gĭr ktir pla mjing, ƀiădah lŏ mtô mjuăt kơ ênuk gưl êdei thâo mpŭ kơ dŭm boh tŭ dưn knhuah gru mtah mơ̆ng aê aduôn pô đưm. Mơ̆ng anăn, dŭm klei yăl dliê kơ klei khăp kơ lăn, klei khăp anak mnuih lŏ dơ̆ng mkŏ, bi lar.

VOV.Êđê- Ară anei, êngao kơ mđĭ kyar mnơ̆ng dhơ̆ng lu jơr hĭn, anôk mnia mblei pŏk mlar hĭn, phung mda asei mnuih Chăm ti ƀuôn mkra mnơ̆ng hŏng lăn čuh Bình Đức, alŭ Phan Hiệp, să Bắc Bình, čar Lâm Đồng dôk bi mguôp h ƀuê ênuk hŏng ară anei hŏng kngan khăng mơ̆ng pô thâo mbruă khua thŭn hrăm mbĭt hŏng dŭm aruăt klei mblang mơ̆ng phung mda asei.

VOV.Êđê- Knăm ngă yang Pin êa jing sa klei bhiăn siă suôr hŏng klei hdĭp ai tiê klei mĭn leh anăn klei hdĭp êpul êya mơ̆ng mnuih Bahnar ti Lăn Dap Kngư. Amâo djŏ knŏng jing wưng čiăng akâo kơ adiê jăk êa hlĭm hjan, yan ngă bruă djŏ boh mnga, knăm ngă yang lŏ bi êdah klei mĭn hdĭp djŏ guôp hŏng lăn adiê leh anăn klei bi mguôp kjăp plah wah anak mnuih hŏng êpul êya.

VOV.Êđê- Mđing truh kơ thŭn hiu čhưn ênguê ala čar - Gia Lai 2026, ti čar Gia Lai mkŏ mjing klei bi kƀĭn bruă hiu čhưn ênguê tar rŏng lăn, kñăm mđĭ pral klei iêo jak phung tuê ala tač êngao hriê ti Việt Nam hŏng dŭm mta mnơ̆ng hiu čhưn ênguê mrâo. Klei bi kƀĭn mơ̆ng hdră jing klei bi kƀĭn hruê hiu čhưn ênguê Việt Nam tal II mâo Êpul hgŭm hiu čhưn ênguê Việt Nam mkŏ mjing, iêo jak dŭm êtuh anôk bruă duh mkra tar rŏng lăn hriê tui duah, bi hgŭm dŭm mta mnơ̆ng hiu čhưn ênguê.

VOV.Êđê- Hlăm hdră Knăm mơak boh durian, dŭm hruê êgao, ti Sang kriê pioh mnơ̆ng Dak Lak, mkŏ mjing leh hdră kdŏ mmuñ tui ksiêm " Sang krum dlông show". Hdră lŏ bi êdah klei hdĭp dhar kreh đưm mơ̆ng mnuih Êđê hŏng hdră kdŏ mmuñ tui ksiêm, bi mguôp hdră kdŏ mmuñ hŏng kdrăp mrâo mrang mkăp kơ phung tuê hiu čhưn ênguê.

VOV.Êđê- Ti djiêo hnoh krông Cái, ƀuôn Quảng Đức (čar Dak Lak) dôk djă pioh gru kruăk mơ̆ng sa bruă mkra mnơ̆ng hŏng lăn čuh mâo dơ̆ng mơ̆ng lu ênuk gưl. Dŭm anôk čuh, anôk dưm mnơ̆ng, dŭm mta mnơ̆ng mkra hŏng lăn čuh dôk djă pioh hlăm dŭm gŏ sang leh anăn boh nik jing mta mkra mjing mơ̆ng kpei siăp hrah đru bi mklă mnơ̆ng hŏng lăn čuh jiă knhuah krĭng lăn Phú Yên đưm. Bruă mkra mnơ̆ng hŏng lăn čuh ară anei luč ram leh, lu hdră mkra amâo lŏ dưi lŏ čuê ôh, ƀiădah klei yăl dliê kơ sa ƀuôn bruă tuôm siă suôr hŏng klei hdĭp leh anăn mnia mblei mơ̆ng mnuih ƀuôn sang kwar Krah ăt dôk mâo boh tŭ yuôm.