VOV.Êđê- Knŭk kna lông ngă klei amâo mâo mă hră mơar kơ tue mơ̆ng China hriê čhưn ênguê hluê êpul truh ti Khánh Hòa găn tač êdeh phiơr prŏng Cam Ranh truh jih thŭn 2027.

VOV.Êđê- Mơ̆ng dŭm đĭng đrao, đĭng mơô mơ̆ng čư̆ dliê, Pô mbruă êdah kdlưn A Bang, mnuih Sêdang ti alŭ Đăk Tô 3, să Đăk Tô, čar Quảng Ngãi, mjing leh dŭm kdrăp tông ayŭ jiă kma ênai čư̆ dliê Lăn Dap Kngư. Klei năng mpŭ hĭn, ñu amâo djŏ knŏng kriê pioh bruă mkra đĭng buôt ƀiădah lŏ mtô kơ klei khăp leh anăn klei thâo săng kơ ênai đưm kơ phung mda asei.

VOV.Êđê- Tĭng nah Ngŏ čar Dak Lak mâo sa wăl msat đưm hŏng klei mdê êdi ti dlông čư̆ A Man, djiêu tluôn krông Cái, să Tuy An Đông. Găn êgao dŭm êtuh thŭn, wăl anôk msat hŏng dŭm mta rup mdê êdi, mâo lu klei hưn hƀuê ênuk yuôm bhăn mơ̆ng krĭng lăn.

VOV.Êđê- Ƀuôn Tuyết Diêm, să Xuân Cảnh, čar Dak Lak dưi mkŏ mjing mơ̆ng akŏ ênuk gưl 19 leh anăn dôk djă pioh truh kơ ară anei. Găn hlăm giăm 200 thŭn, mnuih ƀuôn sang tinei ăt krơ̆ng kjăp lăn ala, krơ̆ng kjăp ƀuôn sang čiăng kriê pioh bruă mkra hra mơ̆ng đưm. Leh anăn truh kơ mlan 8 hluê mlan ƀlĕ grăp thŭn, mnuih ƀuôn sang lŏ bi kƀĭn ti sang yang ƀuôn čiăng mkŏ mjing Knăm ngă yang yan hla luh leh anăn bi hdơr kơ phŭn bruă mkra hra. Anei jing knhuah dhar kreh êpul êya jăk siam, dưi kriê pioh leh anăn lŏ čuê kơ lu ênuk gưl leh anăn jing anôk bi mguôp êpul êya.

VOV.Êđê- Knhal jih mlan 9 leh anăn akŏ mlan 10, să Phú Thiện, čar Gia Lai mkŏ mjing 3 mlam tông čing knhal jih hruê kăm ti dŭm ƀuôn Kte, Rbai, Amil leh anăn alŭ Phú Thiện. Mơ̆ng dŭm adŭ mtô bi hriăm tông čing truh kơ dŭm mlam mdah ti sang roong jing wăl anôk čiăng kơ dŭm gưl mnuih Jarai hrăm mbĭt hluê ngă, lŏ čuê knhuah gru. Hdră bruă amâo djŏ knŏng ruah phung mbruă êdah êdi nao hgŭm hlăm Festival čing čhar Gia Lai 2026 ƀiădah lŏ đru kriê pioh Wăl anôk dhar kreh čing čhar Lăn Dap Kngư - mnơ̆ng kriê pioh amâo êdah klă mơ̆ng anak mnuih.

VOV.Êđê- Hruê kăm dhar kreh djuê ana Mông tal 4 mkŏ mjing mơ̆ng hruê 9 - 11/10, hŏng giăm 800 čô mbruă, phung kdŏ mmuñ, phung bi lông hriê mơ̆ng 11 čar.

VOV.Êđê- Ƀri gưl knăm Katê thŭn 2026, hruê 7/10, ti să Bắc Bình, êpul mă bruă mơ̆ng bruă Đảng čar Lâm Đồng nao čuă dlăng phung khua kiă kriê, phung nai yơng Hội đồng chức sắc Bàlamôn giáo čar leh anăn mnuih mâo kơhưm hlăm êpul êya Chăm Bàlamôn.

VOV.Êđê- Dhar kreh krĭng čư̆ dliê leh anăn êa ksĭ mơ̆ng čar Dak Lak leh bi mŭt mbĭt dưi hưn mthâo truh kơ mnuih ƀuôn sang Dhŭng Korea hluê hdră bi mjĕ mjuk dhar kreh kdŏ mmuñ mkŏ mjing ti čar Chungbuk mơ̆ng hruê 30/9 truh kơ hruê 6/10.

VOV.Êđê- Knơ̆ng bruă dhar kreh, mjuăt ktang asei mlei leh anăn hiu čhưn ênguê čar Dak Lak mrâo bi hgŭm hŏng sang hră knŭk kna čiêm rông hđeh mnuih djuê ƀiă Đinh Núp, să Phú Mỡ mjưh ruê̆ adŭ mtô bi hriăm hdră tông hgơr dua, čing tlâo, čing năm ti sang hră thŭn 2026. Anei jing hdră jăk siam, leh anăn jing knhuah gru dhar kreh mdê hjăn mơ̆ng mnuih ƀuôn sang dua djuê ana Bahnar leh anăn Čam H'roi.

VOV.Êđê- Leh êbeh 2 mlan mkŏ mjing, knơ̆ng bruă dhar kreh čar Dak Lak bi hgŭm hŏng sang hră knŭk kna čiêm rông hđeh mnuih djuê ƀiă Đinh Núp, să Phú Mỡ mjưh ruê̆ adŭ mtô bi hriăm hdră tông hgơr dua, čing tlâo, čing êma ti sang hră thŭn 2026.