VOV.Êđê- Aguah mbruê (21/6), ti Wăl tač prŏng hruê 10/3, ƀuôn hgŭm Ƀuôn Ama Thuôt, giăm 5.000 čô nao bi lông êran Ƀuôn Ama Thuôt Robusta Half Marathon VTV8 2026 hŏng akŏ “Êran krah ƀuôn prŏng Kphê”.

VOV.Êđê- Hlăk phung mbruă ƀrư̆ hruê ƀrư̆ khua thŭn, bruă bi hriăm lehanăn lŏ čuê knhuah gru hlăm epul êya dôk ti anăp lu klei lông dlăng, Hdră mtrŭn mrô 03 mơ̆ng Êpul gơ̆ng bruă ƀuôn sang čar Dak Lak kơ hdră răng mgang lehanăn mđĭ lar knhuah gru dhar kreh čing čhar wưng thŭn 2026 – 2030 dưi čang hmăng srăng mjing thiăm boh kdrŭt kơ hdră kriê pioh, mđĭ lar dŭm boh tŭ yuôm dhar kreh djuê ana đưm.

VOV.Êđê - Amâo djŏ knŏng đru mguôp bi mrâo kdrăp tông ayŭ djuê ana, krơ̆ng kjăp knhuah dhar kreh Việt Nam, sa hdră kdŏ mmuñ êbeh 30 kdrăp tông ayŭ djuê ana, mguôp hŏng kdrăp 3D mrâo hlăk jing gru kruăk mrâo hlăm hdră hiu čhưn ênguê mlam ti ƀuôn prŏng Hồ Chí Minh. Klei bi mguôp plah wah ênhiang mmuñ, kdrăp mrâo lehanăn mnơ̆ng ƀơ̆ng tlâo kwar jak iêo leh lu mnuih ƀuôn sang, tuê hiu čhưn ala tač êngao hriê tui ksiêm.

VOV.Êđê - Knơ̆ng bruă sang čư̆ êa Lâm Đồng mrâo mâo hdră kčah mkŏ mjing Festival Mnga Đà Lạt tal XI - thŭn 2026 hŏng akŏ “Đà Lạt - Klei jăk siam kơ êa mil mnga leh anăn ênhiang mmuñ”, mâo 11 hdră leh anăn 25 bruă mđing truh.

VOV.Êđê - Tlam mbrue (16/6), Knơ̆ng bruă sang čư̆ êa čar Daklak mă leh bruă hŏng knơ̆ng bruă dhar kreh, mjuăt asei mlei lehanăn hiu čhưn ênguê mbĭt hŏng dŭm êpul êya djŏ tuôm čiăng hmư̆ klei hâo mdah kơ hdră êlan mđĭ kyả rbruă čhưn ênguê ti čar Daklak wưng thŭn 2026-2030, tă hdră mă bruă hlŏng truh kơ thŭn 2050.

VOV.Êđê- Ti krah klei hdĭp ênuk mrâo dôk bi mlih hlăm grăp hruê ti krĭng ƀuôn sang, ăt dôk mâo lu mnuih hŏng klei hgăm dôk kriê pioh kjăp mngăt êwa dhar kreh djuê ana hŏng klei khăp lehanăn ngă bruă hŏng klei kjăp. Hŏng pô mbruă K’Brèm, ti să Bảo Lâm 1, čar Lâm Đồng, ênhiang mmuñ K’ho, Mạ amâo djŏ knŏng jing klei mmuñ, ênai čing, ƀiădah lŏ jing klei bi hdơr, mngăt êwa lehanăn dhar kreh jăk siam mơ̆ng êpul êya pô.

VOV.Êđê- Bơ̆k bâo kơ ƀuôn Bàu Trúc ti să Ninh Phước, čar Khánh Hoà, arăng kreh mĭn mtam kơ bruă mkra mnơ̆ng čuh hŏng lăn, ƀiă sơnăk phung thâo tinei adôk sa gŏ sang ăt djă pioh bruă mă đưm mơ̆ng djuê ana Chăm, anăn jing bruă krah mkra rup hŏng mta prăk. Anei jing jing anôk mkra dŭm mta mnơ̆ng krah yua hlăm dŭm hdră bhiăn mơ̆ng mnuih djuê ana Chăm.

VOV.Êđê- Ti djiêo kpur pui dôk trơ̆ng hlăm sang krum Êđê, dŭm klei khan ăt kwang amâo djŏ knŏng yăl dloê kơ phung jhŏng ktang ƀiădah lŏ pŏk wăt sa sang hjiê hƀuê ênuk, dhar kreh leh anăn klei hdĭp ai tiê mơ̆ng dŭm djuê ana Lăn Dap Kngư. Găn lu ênuk gưl, klei khan ăt jing klei kă êpul êya hŏng phŭn agha, djă pioh dŭm knhuah siam leh anăn boh tŭ dưn yuôm bhăn. Mnơ̆ng kriê pioh anei mâo dhar bruă djŏ tuôm dôk gĭr djă pioh leh anăn bi lar čiăng lŏ bi siam hĭn knhuah siam klei hdĭp ti Lăn Dap Kngư.

VOV.Êđê- Ti krah čư̆ čhiăng Trường Sơn krưh kơăm, anôk dŭm ƀuôn êlan mnuih Pa Cô hdĭp ti djuê hnoh êa leh anăn ping čư̆, ăt dôk mâo sa knăm mơak knhuah gru mơ̆ng hdră bhiăn leh anăn ai tiê yang ƀuôn. Anăn jing knăm mơak A Riêu Âr Pục, sa hdră bhiăn dưi bi hmô msĕ si anôk phat mkra bi mgrăng dŭm klei amâo thâo bi djŏ mơ̆ng mnuih Pa Cô mơ̆ng đưm đă leh.

VOV.Êđê- Knơ̆ng bruă dhar kreh mjuăt ktang asei mlei leh anăn hiu čhưn ênguê čar Dak Lak mrâo mkŏ mjing klei kƀĭn trông mă klei blŭ mguôp Hdră êlan mđĭ kyar bruă hiu čhưn ênguê čar Dak Lak wưng thŭn 2026 - 2030, tă hdră truh thŭn 2050. Klei kƀĭn mâo klei nao hgŭm mơ̆ng dŭm knơ̆ng, dhar bruă, alŭ wăl, phung thơ̆ng kơ bruă, knơ̆ng bruă leh anăn anôk bruă hlăm bruă hiu čhưn ênguể.