VOV.Êđê- Tŭ drông klei tŭ dưn mơ̆ng klei mplĕ hră ruah phung bi ala Bruă Kbĭn ala gưl 16 leh anăn Êpul gơ̆ng bruă ƀuôn sang dŭm gưl wưng thŭn 2026 - 2031, mmăt mbruê, čar Dak Lak mkŏ mjing klei kdŏ mmuñ hŏng akŏ Dak Lak - mbĭt klei đăo knang ti dua anôk nah Yŭ leh anăn nah Ngŏ čar.

VOV.Êđê- Tŭ drông hruê mplĕ hră ruah phung bi ala Bruă Kbĭn ala gưl 16 leh anăn Êpul gơ̆ng bruă ƀuôn sang dŭm gưl wưng thŭn 2026 - 2031, Ti êlan dlăng hră kphê - ƀuôn hgŭm Ƀuôn Ama Thuô̆t, Êpul phung Văn học Nghệ thuật čar Dak Lak mkŏ mjing klei rang mdah rup hŏng akŏ “Mlan 3 hlăm kâo”, mbĭt anăn mtrŭt mjhar klei bi lông rup “Klei yâo mơak kơ grăp gŏ sang” thŭn 2026.

VOV.Êđê- Ti krah klei bi mlih hlăm klei hdĭp ênuk ară anei, ti dŭm boh ƀuôn mnuih Jeh Triêng ti Lăn dap kngư, ăt dôk hmư̆ ênai pơ̆k mñam kok kek. Ênai anei msĕ si klei bi hdơr kơ ƀuôn sang, jing pŏk rup mơ̆ng amĭ mơ̆ng aduôn lehanăn sa kdrêč knhuah gru dhar kreh mơ̆ng djuê ana. Hŏng mnuih Jeh Triêng, bruă pơ̆k mñam amâo djŏ knŏng mâo mơiêng ao čiăng ƀar, ƀiădah grăp mnơ̆ng pơ̆k mñam mâo sơaĭ klei khăp, klei yăl dliê mơ̆ng čư̆ dliê ba mơĭt hlăm grăp aruăt mrai mñam.

VOV.Êđê – Ti Sang kriê pioh mnơ̆ng Dak Lak (ƀuôn hgŭm Ƀuôn Ama Thuôt), Knơ̆ng bruă Dhar kreh, mjuăt ktang asei mlei lehanăn Hiu čhưn ênguê čar Dak Lak mkŏ mjing leh Knăm mphŭn pŏk hdră rang mdah “Dak Lak hŏng bruă kƀĭn ala – Kjăp klei đăo knang, mbĭt klei čang hmăng”.

VOV.Êđê- Ti krĭng lăn Lâm Hà, hlăm klei dhar kreh ti djiêô hang krông Dă Dờng (êa krông Prŏng), rup êpul tông čing mniê jing klei mñă mdê hjăn. Jăk siam hlăm grăp ênai čing, phung amai amâo djŏ knŏng bi lu jơr thiăm klei dhar kreh čing čhar djuê ana K’Ho ôh, ƀiădah lŏ đru kriê pioh knhuah dhar kreh jăk siam, mjing ai ktang mrâo kơ bruă hiu čhưn ênguê alŭ wăl.

VOV.Êđê - Hlăm mnơ̆ng ƀơ̆ng huă mnuih Jarai, djam tang liang amâo djŏ knŏng jing sa mta djam ƀơ̆ng jăk, ƀiădah jing sa klei bi hdơr kơ đưm êlâo mơ̆ng ƀuôn sang. Mơ̆ng mlan 1 truh kơ mlan 3, mnuih Jarai lŏ hơ̆k kdơ̆k drông yan djam tang liang, sa mta djam jăk mơ̆ng čư̆ dliê.

VOV.Êđê - Leh Têt, êpul êya mnuih Mường ti ƀuôn prŏng Tân Lập, čar Dak Lak bi nao ti Sang yang Lạc Sơn mkŏ mjing Knăm mtrŭn gơ̆ng ngă yang. Anei jing sa klei bhiăn bruă lŏ hma sui thŭn mâo mnuih ƀuôn sang kriê pioh lehanăn cuê nanao ti krĭng lăn mrâo.

VOV.Êđê - Dŭm hruê akŏ yan mnga Bính Ngọ 2026, ai êwa ƀuôn prŏng čư̆ čhiăng mŭt hlăm yan siam êdi hlăm thŭn, krĭng Ƀuôn prŏng Mlam Sang mnia Nhỏ ti ƀuôn hgŭm Pleiku, čar Gia Lai lŏ mčhĭt mơuăt. Êpul mnuih nao čuă dlăng, mdei săn, mơak hlak, ƀơ̆ng dŭm mta mnơ̆ng mjing leh gru kruăk siam.

VOV.Êđê- Mđing kơ klei ruah khua phung bi ala Bruă kƀĭn ala gưl XVI leh anăn bi ala kơ Êpul gơ̆ng bruă ƀuôn sang dŭm gưl wưng 2026–2030; bi hdơr 116 thŭn Hruê phung mniê dlông rŏng lăn (08/3/1910–08/3/2026) hŏng dŭm hruê knăm mơak prŏng hlăm mlan 3, Êpul hgŭm phung mniê čar Dak Lak pŏk ngă “Hruê kăm ao dai” leh anăn mkŏ mjing klei mdah hlăm kluôm čar.

VOV.Êđê- Hruê 23/2, Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê čar Lâm Đồng bi hgŭm hŏng Knơ̆ng bruă sang čư̆ êa să Hàm Thuân Nam mkŏ mjing Klei bi lông “ĐĬ čư̆ Tà Cú čar Lâm Đồng pŏk mlar” thŭn 2026.