Hdră mtô bi hriăm hgơr mdua - čing tlâo - čing êma jing bruă ngă hlăm hdră bruă kdrêč mrô 6 Hdră kñăm ala čar mđĭ kyar bruă duh mkra - ala ƀuôn krĭng mnuih djuê ƀiă leh anăn krĭng čư̆ čhiăng kơ "Kriê pioh, mđĭ lar ênoh yuôm dhar kreh djuê ana jăk siam mơ̆ng dŭm djuê ana mnuih djuê ƀiă mguôp hŏng mđĭ kyar bruă hiu čhưn ênguê" mâo Knơ̆ng bruă dhar kreh, mjuăt ktang asei mlei leh anăn hiu čhưn ênguê Dak Lak hluê ngă.

Hlăm êbeh 2 mlan hriăm, phung hđeh lehanăn phung êdam êra să Xuân Lãnh mâo phung thâo mbruă mtô bi hriăm hdră tông hgơr dua, čing tlâo, čing êma thâo mbruă; hriăm dŭm klei kdŏ čhuang mguôp hŏng grăp ênhiang čing, klei čing. Leh adŭ hriăm anei, phung hđeh lŏ dơ̆ng mâo klei mjuăt bi hriăm, hriăm mjuăt čiăng jing phung ba anăp lŏ čuê bruă kriê pioh dŭm boh tŭ yuôm knhuah dhar kreh jăk siam mơ̆ng djuê ana pô.