Blŭ hrăm ti anôk mă bruă, Khua Anôk bruă hâo hưn mtô mblang gưl dlông Trịnh Văn Quyết mtă kơ phung bi ala mđing bi mklă dŭm mta snei: Sa jing, thâo ƀuh lehanăn tĭng mkă kơ klei đru mguôp mơ̆ng dhar kreh hŏng klei đĭ kyar. Đru mguôp hlăm GDP, hnơ̆ng đĭ kyar kah knar kluôm, ênoh yuôm, bruă mă, hnư hrui wĭt, ngăn prăk, ba čhĭ kơ ala tač êngao, iêo jak klei duh bi liê; wăt klei đru mguôp klă klơ̆ng, amâo klă klơ̆ng leh anăn klei hmăi lar bra.

Dua jing, bi mklă dŭm mta bruă mâo klei găl jing boh kdrŭt đĭ kyar mrâo. Amâo dưi bi kluôm, amâo dưi "bi knar" hdră êlan kơ djăp mta bruă. Ya mta bruă dhar kreh Việt Nam mâo klei găl bi ktưn sĭt; ya mta bruă čiăng hdră êlan kdlưn hĭn; ya mta mnơ̆ng dhơ̆ng phŭn dưi jing anăn knăl ala čar hlăm wưng anei.