Dak Lak ba dhar kreh Lăn Dap Kngư truh kơ Dhŭng Korea
Thứ tư, 09:07, 07/10/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Dhar kreh krĭng čư̆ dliê leh anăn êa ksĭ mơ̆ng čar Dak Lak leh bi mŭt mbĭt dưi hưn mthâo truh kơ mnuih ƀuôn sang Dhŭng Korea hluê hdră bi mjĕ mjuk dhar kreh kdŏ mmuñ mkŏ mjing ti čar Chungbuk mơ̆ng hruê 30/9 truh kơ hruê 6/10.
Hdră mơ̆ng Knơ̆ng bruă dhar kreh, mjuăt ktang asei mlei leh anăn hiu čhưn ênguê čar Dak Lak bi hgŭm hŏng Êpul hgŭm kdŏ mmuñ čar Bắc Chungcheong (lŏ pia Chungbuk) hluê ngă, mâo dŭm hdră mdah, rang mdah leh anăn bi trông kơ dhar kreh, kdŏ mmuñ. Hŏng akŏ "Đĭ ti dlông êa ksĭ poh yă, găn biut knam" hdră mdah mkŏ mjing ti Chungbuk leh anăn dŭm anôk riêng gah.
Dŭm klei kdŏ mmuñ jăk siam bi mguôp wăl anôk kdŏ mmuñ dliê lehanăn êa ksĭ, hưn mthâo knhuah dhar kreh mơ̆ng čar Dak Lak leh bi mŭt mbĭt, mâo Sang kdŏ mmuñ ênhiang djuê ana Sao Biển bi hgŭm hŏng Êpul kdŏ mmuñ djuê ana Dak Lak hluê ngă.Hlăm hdră, bi ala dua tĭng bi tuôm, bi trông hdră bi hgŭm hlăm wưng kơ anăp.
Viết bình luận