Hlăm dŭm thŭn êgao, kyua mâo klei uêñ mĭn mơ̆ng Đảng leh anăn Knŭk kna hlăm dŭm mta bruă snăn klei duh mkra, ala ƀuôn mơ̆ng mnuih ƀuôn sang Chăm hlăm čar mâo lu klei đĭ kyar. K’iăng khua bruă Đảng čar Lâm Đồng Đặng Hồng Sỹ čih yap dŭm klei đru mguôp mơ̆ng mnuih ƀuôn sang Chăm hluê đăo Bàlamôn hlăm klei mđĭ kyar bruă duh mkra, bi hrŏ ƀun, nao hgŭm hlăm dŭm hdră bi lông ktưn khăp kơ lăn čar leh anăn mkŏ mkra alŭ wăl.

Mbĭt anăn čang hmăng, phung khua kiă kriê, phung yơng leh anăn mnuih ƀuôn sang Chăm lŏ dơ̆ng mđĭ lar bruă klam, klei hmăi jăk hlăm êpul êya; mđĭ hĭn klei bi mguôp, bi đru mđĭ kyar bruă duh mkra, bi hrŏ ƀun, đru bi kjăp klei bi mguôp jih jang djuê ana. Ƀri gưl anei, êpul ngă bruă mơ̆ng bruă Đảng čar mđup brei leh mnơ̆ng kơ phung khua kiă kriê, phung yơng leh anăn mnuih mâo kơhưm hlăm êpul êya Chăm Bàlamôn leh anăn hơêč hmưi kơ mnuih ƀuôn sang Chăm drông knăm Katê thŭn 2026 jăk mơak.