VOV.Êđê- hlăm ênuk mrô, klei dlăng hră kơ Awa amâo mâo djŏ knŏng đru kơ phung hđeh gưl mrâo thâo săng hĭn kơ hƀuê ênuk djuê ana, ƀiădah lŏ đru mguôp hlăm klei ksul mbŭ knhuah jing, klei hdĭp, lehanăn bruă klam hŏng yang ƀuôn.

VOV.Êđê- Gia Lai dôk ksiêk kjăp klei êđăp ênang, mđĭ klei thâo kơ bruă ti dŭm anôk mnei lehanăn wăl hiu čhưn ênguê krĭng êa ksĭ, hlăk ênoh tuê hiu čhưn đăo knăl srăng đĭ lu hlăm yan mdei prŏng thŭn anei. Mơ̆ng bruă hiu suang dlăng, ksiêm dlăng truh kơ bruă mkŏ dăp êpul dôk gak răng jih hruê mlam 24/24, dŭm alŭ wăl dôk gĭr rơ̆ng klei êđăp ênang kơ phung tuê hiu čhưn truh ti Gia Lai dưi mâo wưng mdei knăm mơak êđăp ênang.

VOV.Êđê- Hŏng mnuih Êđê, sang krum dlông amâo djŏ jing anôk dôk ôh ƀiădah lŏ jing anôk phŭn kơ klei hdĭp dhar kreh, klei đăo. Tơdah sa boh sang mrâo mdơ̆ng leh, klei bhiăn đĭ dôk sang mrâo msĕ si klei bi mklă kơ wăl hdĭp mrâo, mguôp hŏng klei đăo leh anăn klei čang hmăng kơ klei hdĭp hơĭt kjăp mơ̆ng gŏ sang, djuê ana.

VOV.Êđê- Dŭm hruê anei ti Sang kriê pioh čar Dak Lak dôk mâo lu êa mil mŏng klei rang mdah rup bi hgŭm Việt Nam - Dhŭng Korea. Hruê anei drei srăng hriê tinei dlăng klei rang mdah dŭm pŏk rup jăk siam kơ čư̆ dliê êa leh anăn anak mnuih lăn čar Dhŭng Korea ăt msĕ mơh Lăn Dap Kngư, Việt Nam.

VOV.Êđê - Hruê mbruê (12/5), ti Sang kriê pioh kdrăp mnơ̆ng čar Dak Lak, Êpul hgŭm phung mă rup Việt Nam bi hgŭm hŏng Êpul phung hiu mă rup Dhŭng Korea lehanăn Êpul hgŭm bruă Văn học Nghệ thuật čar Dak Lak mkŏ mjing knăm rang mdah rup bi mjĕ mjuk Việt Nam – Dhŭng Korea.

VOV.Êđê - Tlam (11/5), Festival Čưng boh lu ala čar U14 Gia Lai 2026 klă sĭt mphŭn pŏk ti tač bi lông mjuăt asei mlei Pleiku Arena, čar Gia Lai hŏng klei hgŭm mơ̆ng 12 êpul čưng boh hlăm ala čar leh anăn ala tač êngao.

VOV.Êđê - Ti anăp klei bi ktưn ƀrư̆ hruê ƀrư̆ lu mơ̆ng dŭm anôk truh leh anăn hlăm boh klei tač êdeh phiơr Liên Khương kđăl ƀăng êjai čiăng mkra mjing, čar Lâm Đồng bi mklă 6 bruă klam phŭn kñăm mđĭ klei bi ktưn iêô jak tue hiu čhưn.

VOV.Êđê- Jing leh klei bhiăn mưng, truh hrue 21/3 hlue mlan ƀlĕ, mnuih ƀuôn sang mơ̆ng djăp anôk truh kơ tuôr Nhạn ngă yang hlue si knăm iêo mnguh aduôn, čiăng kơ lăn čar êđăp ênang, jăk êa hlĭm hjan, gŏ sang trei mđao, lehanăn thâo knga kơ aduôn. Knăm anei bi knăl kơ sang klei ngă yang kơ aduôn mâo leh mơ̆ng đưm.

VOV.Êđê- Ti čar Quảng Ngãi, mơ̆ng êa ksĭ ti plao ksĭ Lý Sơn truh kơ krĭng êa ksĭ ktue hang, lehanăn nao truh kơ krĭng dlông Măng Đen, dưi ƀuh lu mta klei bi mngăr snăk hŏng phung tue hiu čhưn. Čar mâo mkŏ mjing leh lu anôk truh jăk siam, mđĭ kyar klei duh mkra, lehanăn đru mđĭ klei hdĭp mnuih ƀuôn sang, lehanăn bi kriê pioh dŭm knhuah jăk siam mơ̆ng dhar kreh.

VOV.Êđê-Leh 72 thŭn mblah dưi hing ang truh tar lăn ala, krĭng lăn Điện Biên hruê anei amâo djŏ knŏng kwang ai êwa hlăk đưm ôh ƀiădah lŏ dôk bi mlih ktang hŏng klei bi êrâo leh anăn mđĭ lar ênoh yuôm dhar kreh djuê ana hlăm klei mđĭ kyar hiu čhưn ênguê. Mơ̆ng dŭm knăm mơak jiă knhuah gru truh kơ dŭm ƀuôn hiu čhưn ênguê êpul êya, jih jang dôk đru mkŏ ênuk leh êgao kdrưh kơăm hŏng ênuk ară anei pral kdal. Amâo djŏ knŏng mđĭ klei hiu čhưn dlăng kơ phung tue ôh ƀiădah lŏ mjing hdră duh ƀơ̆ng kjăp hlăm klei mđĭ kyar Điện Biên ară anei.