VOV4.Êđê- Mơ̆ng sui hŏng anei, čing čhar amâo djŏ knŏng jing sa kdrăp pioh tông ƀiădah lŏ jing klei bi êdah kơ dhar kreh, siă suôr leh hŏng klei hdĭp lehanăn ai tiê klei mĭn đăo mơ̆ng mnuih ƀuôn sang dŭm djuê ana krĭng Lăn dap kngư, hlăm anăn mâo mnuih Mnông ti Dak Nông. Hlăm ktuê êlan mơ̆ng ala ƀuôn ênuk mrâo mrang ară anei, ti krah klei mđing uêñ hlăm klei hdĭp, mnuih Mnông ti krĭng lăn Dak Nông ăt krơ̆ng kjăp ênai kwang mơ̆ng čing čhar. Ênai čing ară anei amâo djŏ knŏng jing sa kdrêč yuôm bhăn hlăm hƀuê ênuk dhar kreh lehanăn knhuah djuê ana, ƀiădah lŏ jing klei krañ kjăp bi mguôp êpul êya, hgao klei gun kpăk mơ̆ng klei blŭ ti krĭng lăn mâo êbeh 40 djuê ana hrăm mbĭt hdĭp mda.

VOV4.Êđê- Ti krah klei bi mlih amâo mâo mdei mơ̆ng klei hdĭp ênŭk ară anei, ti ƀuôn Knia, să Êa Tul, kdriêk Čư̆ Mgar, čar Dak Lak ăt kwang nanao ênai juăt mưng leh tinei anăn jing ênai mnuih ƀuôn sang dôk pơ̆k mñam mnơ̆ng mơ̆ng djuê ana Êđê. Pô jih ai ai tiê hŏng bruă pơ̆k mñam mnơ̆ng djuê ana anăn jing pô mbruă H’Jih Ayŭn. Ênai dôk pơ̆k mñam anei msĕ si ênai kwang mơ̆ng hruê mmông, jing mngăt êwa mơ̆ng dhar kreh, mơ̆ng mnuih djuê ana Êđê dưi čuê pioh mơ̆ng dŭm ênuk gưl.

VOV4.Êđê- Ti ƀuôn prŏng Pleiku, Gia Lai mrâo mkŏ mjing Knăm ba wĭt hră mơar kơ phung knuă druh đru nao bi blah ti kwar Dhŭng leh anăn mphŭn pŏk klei rang mdah hŏng akŏ 50 thŭn mtlaih êngiê, hluh lir lăn čar “Bi êrâo krĭng lăn Bazan”. Anei jing klei kđi čar - dhar kreh, bi êdah ai tiê hdơr knga êlam, ai tiê phung đru leh hlăm klei bi blah mtlaih êngiê djuê ana, mbĭt anăn kơrŭ wĭt klei čang hmăng mkŏ mjing leh anăn mđĭ kyar lăn čar hlăm ênuk mrâo.

VOV4.Êđê- Mđing kơ bruă ngă kkuh drông bi hdơr Hruê hdruôm hră leh anăn dhar kreh dlăng hră Việt Nam tal 4, ti Dak Lak mkŏ mjin lu klei dhar kreh hưn mdah hdruôm hră leh anăn mđup brei hip hdruôm hră kơ phung hđeh sang hră krĭng dleh dlan hlăm čar.

VOV4.Êđê- 50 thŭn leh hruê lăn čar hluh lir, hdră bruă văn học nghệ thuật Dak Lak hlăk lehanăn dôk mñă bruă klam jing kdrông mkŏ plah wah ênuk đưm êlâo lehanăn ară anei, plah wah dhar kreh djuê ana lehanăn klei đĭ kyar ênuk mrâo ară anei. Dŭm boh tŭ hlăm bruă tui ksiêm, kriê pioh, mđĭ lar boh tŭ yuôm dhar kreh djuê ana mbĭt hŏng dŭm klei čih mčeh mrâo jiă knhuah dhar kreh djuê ana đru mguôp ngă bi siam hĭn knhuah dhar kreh krĭng lăn dap kngư anei.

VOV4.Êđê - Tết djuê ana Bunpimay jing sa hlăm dŭm knăm mơak dhar kreh yuôm bhăn hĭn hlăm thŭn mơ̆ng êpul êya djuê ana Lào. Ti kdriêk knông lăn Ƀuôn Đon, čar Dak Lak, mnuih Lào mrâo mkŏ mjing Tết Bunpimay kdrưh kơăm, bŏ hŏng lu êa mil, čiăng drông mơak thŭn mrâo hlue si thŭn Yơng, lar bra dhar kreh mdê hjăn leh anăn bi êdah ai tiê bi hgŭm.

VOV4.Êđê - Dôk hlăm hdră kkuh mơak 50 thŭn Hruê mtlaih êngiê kwar Dhŭng, hluh lir lăn čar (30/4/1975 – 30/4/2025) leh anăn 70 thŭn Hruê Awa Hô mơĭt hră kơ Klei kƀĭn phung bi ala mnuih djuê ƀiă kwar Dhŭng ti Plei Ku (19/4/1946 – 19/4/2025), čar Gia Lai mrâo mkŏ mjing Hruê mơak Dhar kreh dŭm djuê ana ƀiă tal IV. 800 čô mbruă bi ala kơ mnuih djuê ƀiă hdĭp ti alŭ wăl čar Gia Lai nao mdah leh dŭm hdră kdŏ mmuñ jăk êdi ti knăm mơak anei.

VOV4.Êđê - Hruê 14/4/2025, Phŭn bruă Dhar kreh, mjuăt ktang asei mlei leh anăn Hiu čhưn ênguê ba mdah leh Klei bi mklă mrô 1014 kơ bruă bi mklă jing knhuah gru ala čar hŏng ƀăng kơưp C3, C4 hlăm wăl anôk ƀăng kơưp čư̆ pui Krông Knô, čar Dak Nông. Anei jing anôk tal 3 hlăm Wăl anôk mta lăn ƀăng kơưp tar rŏng lăn UNESCO Dak Nông dưi bi mklă jing Knhuah gru.

VOV4.Êđê – Ti ƀuôn prŏng Pleiku, Knơ̆ng bruă kriê dlăng bruă knuă čar Gia Lai bi hgŭm hŏng Anôk bruă kriê pioh ala čar II mkŏ mjing Knăm ba wĭt hră mơar phung knuă druh Nao đru bi blah ti Kwar Dhŭng leh anăn mphŭn pŏk klei rang mdah hră mơar kriê pioh hŏng akŏ “50 thŭn êngiê, hluh liê lăn čar: Bi êrâo krĭng lăn Bazan”.

VOV4.Êđê- Hŏng akŏ “Mbĭt hŏng hdruôm hră mŭt hlăm ênuk kpưn đĭ mơ̆ng djuê ana”, Hruê mơak Hdruôm hră lehanăn Dhar kreh dlăng hră čar Dak Lak tal pă klă klơ̆ng pŏk leh aguah hruê 17/4.