VOV.Êđê- Mnuih Jarai ti Ngŏ Dhŭng čar Gia Lai dôk kriê pioh lu ênoh yuôm dhar kreh jăk siam ƀiă anôk dôk hrông. Anăn jing dŭm rĭng čing đưm jăk siam leh anăn ênai mdê hjăn, dưi kriê pioh lu gưl ênuk. Mbĭt hŏng anăn jing klei kdŏ hdơr jăk siam, hlai hŏng ênai čing leh anăn kdŏ čhuang êdu êun mjing mngăt êwa knăm mơak dhar kreh Jarai.

VOV.Êđê- Leh 3 hruê mkŏ mjing kdrăm kơah, mmăt 28/6, ti ƀuôn hgŭm Phan Rang, čar Khánh Hòa, Knăm mơak dhar kreh djuê ana Chăm tal VI thŭn 2026 mjưh ruê̆ leh, mjưh ruê̆ hdră bruă dhar kreh, mjuăt asei mlei, hiu čhưn ênguê jăk siam mnuih Chăm mơ̆ng 7 čar, ƀuôn prŏng hlăm kluôm ala.

VOV.Êđê- Hlăm sa boh sang điêt ti ƀuôn Ja Rah, să Nâm Nung, čar Lâm Đồng, pô mbruă H’Brơi dôk gĭr kriê pioh knhuah gru dhar kreh djuê ana hŏng dŭm bruă ngă klă sĭt. Ti gŭ anei, alum kơ ƀĭng găp drei bi tuôm hŏng Pô mbruă H’Brơi – pô jih ai tiê kriê pioh enhiang mmuñ djuê ana, čing čhar Mnông lehanăn lŏ mtô kơ ênuk gưl hđeh.

VOV.Êđê- Mâo dŭm klei hdơr knga, amâo mâo djŏ knŏng hŏng boh blŭ, ƀiădah lŏ bi êdah hŏng dŭm knăm mkŏ mjing mâo leh mơ̆ng dŭm ênuk gưl. Hŏng mnuih djuê ana Jarai ti Gia Lai, Klei hdơr knga kơ amĭ ama jing mmông anak čô thâo knga kơ ai tiê amĭ pô ba ama pô ƀă, ƀă kniêm čiêm rông leh pô đĭ prŏng êmŏng prĭn jing leh mnuih tŭ dưn, mbĭt anăn lŏ bi hdơr kơ drei brei thâo djŏ pioh nanao ai tiê thâo hdơr knga kơ amĭ ama.

VOV.Êđê- Tlam mbruê 22/6, Bruă sang čư̆ êa čar Khánh Hoà hưn mdah Festival êa ksĭ Khánh Hoà 2026 hŏng akŏ “Êa mil êa ksĭ - kpưn đĭ kơhưn tar rŏng lăn”.

VOV.Êđê- Hruê 22/6, ti alŭ Phú Thọ 1, ƀuôn hgŭm Hòa Hiệp, čar Dak Lak, mkŏ mjing Knăm ngă yang kan hlue si klei bhiăn mơ̆ng đưm, mphŭn pŏk kơ hdră “Knăm mơak ngă yang kan 2026 - klei jăk siam mnơ̆ng kriê pioh krĭng êa ksĭ”.

VOV.Êđê- Knơ̆ng bruă dhar kreh, mjuăt ktang asei mlei leh anăn hiu čhưn ênguê čar Dak Lak mkŏ mjing knăm bi hdơr 25 thŭn hruê Gŏ sang Việt Nam (28/6).

VOV.Êđê- Ti ƀuôn hgŭm Quy Nhơn, Anôk bruă hiu čhưn ênguê ala čar Việt Nam bi hgŭm hŏng Keh gang mkhư̆ klei amâo jăk mơ̆ng hăt (Phŭn bruă mdrao mgŭn) leh anăn Knơ̆ng bruă dhar kreh, mjuăt asei mlei leh anăn hiu čhưn ênguê čar Gia Lai mkŏ mjing Knăm po’k ngă “Mkŏ mjing wăl hdĭp mda amâo mâo hăt ti anôk hiu čhưn dlăng leh anăn anôk dôk jưh hiu čhưn ênguê”.

VOV.Êđê- Hluê ngă hdră bi khuăt mnuih mă bruă, dŭm alŭ wăl ti čar Lâm Đồng dôk mjêč ntgă hdră êlan mkŏ dăp, bi mŭt alŭ ƀuôn hluê êlan bi hrŏ êbeh 50% phung mă bruă gưl nah gŭ.

VOV.Êđê- Ti wăl tač Nguyễn Tất Thành (ƀuôn hgŭm Quy Nhơn), čar Gia Lai pŏk leh knăm hiu čhưn ênguê yan mdei prŏng 2026 hŏng akŏ “Gia Lai kkuh yan mdei prŏng thŭn 2026”.