Knŏng hlăm êbeh dua mlan, hŏng klei gĭr prŏng êpul khua gĭt gai, phung čih klei mrâo, kỹ sư leh anăn kỹ thuật viên mơ̆ng Sang mđung asăp blŭ Việt Nam pral mkŏ mjing tur knơ̆ng hdră mđung asăp, hrŏng ruah klei mmuñ, bi leh hdră kdrăp mnơ̆ng, mprăp kơ sa wăl mđung asăp mrâo, anôk ênhiang mmuñ bŏ hŏng knhuah jăk siam dưi mđing tal êlâo mkŏ hŏng ai tiê mnuih hmư̆. Mơ̆ng dŭm klei kdŏ mmuñ jăk siam pŏk kơ hruê mrâo hlăm hdră "Ênai kwang mơ̆ng yang hruê", truh kơ dŭm klei kdŏ mmuñ jăk siam mơ̆ng "Ênhiang mmuñ hing ang", amâodah wăl anôk tui ksiêm klei kdŏ mmuñ hlăm hdră "Sang kdŏ mmuñ" - Concert Hall, grăp kdrêč hdră mâo sa knhuah mdê mdê.

Čiăng kơ dŭm ênhiang mmuñ êdu ên hŏng lu kdrăp pĕ tông, Jazz amâo djŏ knŏng kwang hlăm adŭ kdŏ mmuñ ôh, ƀiădah lŏ mâo hlăm klei hdĭp aguah tlam; čiăng kơ grăp čô hmư̆ mâo thiăm klei găl dưi ƀuh klei jăk, klei siam mơ̆ng klei kdŏ mmuñ, mkŏ mjing klei mưng mđing hmư̆ klei kdŏ mmuñ leh anăn rông ba ai tiê. Anăn ăt jing ênoh yuôm mơ̆ng VOV Sonata FM 89 mđing truh - čiăng kơ ênhiang mmuñ amâo djŏ knŏng dưi mđing hmư̆, ƀiădah lŏ đru mguôp mđĭ klei hdĭp ai tiê klei mĭn leh anăn bi lar dŭm ênoh yuôm dhar kreh hơĭt kjăp hlăm êpul êya.VOV Sonata FM 89 mđung asăp 24/24 mmông grăp hruê hlăm FM 89 MHz