Hluê si hdră mtrŭn mơ̆ng Knŭk kna, mnuih ƀuôn sang China djă hră mơar dôk mâo klei tŭ dưn dưi amâo mâo mă hră mơar tơdah nao hluê êpul mơ̆ng 2 čô kơ dlông, nao hlăm hdră čhưn dhing kluôm amâo êgao 30 hruê kyua knơ̆ng bruă hiu atăt tue mơ̆ng ala tač êngao mơ̆ng Việt Nam mkŏ mjing. Tuê srăng phiơr  mơ̆ng China truh kơ Tač êdeh phiơr quốc tế Cam Ranh, mbĭt anăn mŭt leh anăn kbiă hluê sa ƀăng jang knông lăn. Hdră êlan dưi hluê ngă truh jih hruê 31/12/2027, hlăm hdră Thŭn bi hgŭm bruă hiu čhưn ênguê Việt Nam - China 2026-2027.

Anôk bruă hiu čhưn ênguê Khánh Hòa čang hmăng hdră êlan amâo mă prăk dưi mkŏ mjing klei găl kơ anôk bruă duh mkra mkŏ mjing tour kluôm, bi hgŭm hŏng ƀĭng hgŭm leh anăn ba yua dŭm gưl phiơr mơ̆ng China truh kơ Cam Ranh. Mơ̆ng anăn, alŭ wăl mâo thiăm klei găl iêô jak phung tuê hlăm dŭm mlan knhal jih thŭn 2026 leh anăn thŭn 2027, mtrŭt mđĭ bruă dôk jưh, hiu čhưn ênguê leh anăn dŭm bruă hiu čhưn ênguê.