Dak Lak pioh giăm 186 êklai prăk čiăng mđĭ kyar dhar kreh thŭn 2026 čiăng duh bi liê ti 102 să, ƀuôn hgŭm. Klei mrâo jing bruă sang čư̆ êa gưl să dưi čŏng pô hưn mdah anăn, ênoh prăk leh anăn ba mdah kơ Êpul gơ̆ng bruă ƀuôn sang gưl mbĭt bi mklă, mđing tal êlâo krĭng taih kbưi, krĭng mnuih djuê ƀiă dôk kƀah anôk bruă dhar kreh.

Ti gưl čar, giăm 80 êklai prăk dưi mkăp kơ 6 hdră bruă, mâo mkra mđĭ Sang kriê pioh mnơ̆ng Dak Lak, Sang dlăng hră Hải Phú, mkra mđĭ Sang dhar kreh Diên Hồng, wăl Sang kriê pioh Phú Yên leh anăn mkra dua anôk kriê pioh h ƀuê ênuk gưl ala čar. Hdră bruă mđing mđĭ kyar anôk bruă nah gŭ dhar kreh, bruă tuh tia dhar kreh, mbĭt anăn kriê pioh knhuah dhar kreh dŭm djuê ana. Hlăm anăn, anôk bruă dưi mđing tal êlâo bi leh anôk bruă dhar kreh, sang dhar kreh ƀuôn hgŭm leh anăn sang dhar kreh êpul êya. Bruă mbha gưl mnơ̆ng dhơ̆ng dưi čang hmăng mđĭ klei hdĭp ai tiê, bi hrŏ klei kpleh dưi dưn dhar kreh plah wah dŭm krĭng. Dŭm să čiăng yua prăk djŏ mta kñăm, tŭ dưn, ñĕ kơ klei duh bi liê lu đei, luč liê mang.