VOV.Êđê- Ti Lăn Dap Kngư, sang roong mơ̆ng sui jing leh klei bi knăl kơ ƀuôn sang Bahnar. Čuôr sang dlông dlĭn amâo djŏ knŏng mjing rup ƀuôn sang, ƀiădah lŏ jing anôk êpul êya bi tuôm, bi trông kơ bruă mbĭt, mkŏ mjing dŭm klei bhiăn, tông čing čhar leh anăn bi lar dŭm boh tŭ yuôm dhar kreh mơ̆ng ênuk anei truh kơ ênuk êdei.

VOV.Êđê- Amâo mâo knưl rang mdah prŏng, knŏng dŭm ƀĕ đĭng đrao, kbuôn adrăng, dŭm boh mdhô̆ dưm ti krah sa wăl anôk mtah mda ti djiêu hnoh êa êngeh siam đoh mơ̆ng ênao Mỹ Lâm, hdră kdŏ mmuñ êpul êya "Bi tuôm hŏng Mỹ Lâm" dưi mphŭn pŏk mơ̆ng knhal jih mlan 8, akŏ mlan 9/2026 pral dưi mâo klei iêo jak jăk êdi. Mbĭt hŏng êa hnoh Lạnh, dliê êa Bầu Đá, ƀuôn mnga krih Vinh Ba leh anăn ară anei jing Bi tuôm hŏng Mỹ Lâm...., să Hoà Thịnh dôk mkŏ mjing sa wăl anôk dhar kreh-hiu čhưn ênguê mrâo mrang êdi.

VOV.Êđê- Ti krah mđiă angĭn krĭng čư̆ dliê, ênai čing mâo leh hlăm dŭm ênuk klei hdĭp mnuih Êđê. Ti anăp klei mlih mrâo, să Dang Kang, čar Dak Lak dôk gĭr krơ̆ng kjăp ênai čing kyua phung thâo mbruă gĭr mtô kơ phung mda asei. Hŏng 33 kdrăp čing čhar, êbeh 50 čô thâo tông leh anăn 6 čô thâo mdêč čing, anei jing ngăn drăp yuôm bhăn čiăng kơ Dang Kang lŏ dơ̆ng kriê pioh dhar kreh knhuah gru ti krah klei hdĭp hruê anei.

VOV.Êđê- Mơ̆ng dŭm hruê knăm amâo mkŏ mjing, amâo mâo knưll mdah truh kơ hdră 30 thŭn mkŏ wĭt dhar kreh mơ̆ng phung mbruă, dŭm êpul êya mnuih djuê ƀiă ti krĭng čư̆ čhiăng Đà Nẵng ƀrư̆ ƀrư̆ bi sĭt Hdră mtrŭn 80 mơ̆ng Phŭn bruă kđi čar, bi mlih dhar kreh djuê ana jing boh kdrŭt đĭ kyar hơĭt kjăp.

VOV.Êđê- Tlam hruê 17/9, Khua Anôk bruă hâo hưn mtô mblang gưl dlông Trịnh Văn Quyết mă bruă hŏng dŭm anôk bruă kơ bruă mđĭ lar bruă klam mơ̆ng dhar kreh đru mguôp hlăm mta kñăm đĭ kyar bruă duh mkra hluê si ai tiê Hdră mtrŭn Klei bi kƀĭn XIV mơ̆ng Đảng.

VOV.Êđê- Ti ƀuôn prŏng đưm Hội An, ƀuôn prŏng Đà Nẵng mkŏ mjing hdră bi mjĕ mjuk dhar kreh, kdŏ mmuñ mơ̆ng êpul hđeh êdam êra Colombia, đru bi mguôp dhar kreh, mđĭ klei thâo săng leh anăn klei mjĕ giăm plah wah Việt Nam leh anăn Colombia.

VOV.Êđê- Mnơ̆ng pơ̆k mñam M'nông mơ̆ng sui jing leh mnơ̆ng yuôm bhăn, bi êdah klei mbruă leh anăn klei khăp mơ̆ng phung mniê. Tơdah êlâo dih, mnơ̆ng pơ̆k mñam yuôm leh anăn ƀiă, kreh knŏng yua hlăm dŭm wưng yuôm bhăn, snăn ară anei, mnơ̆ng anei dưi mâo lu hĭn. Mơ̆ng miêng ao, abăn mŭng truh kơ bai, bŭng, mnơ̆ng pơ̆k mñam dôk mâo lu mnuih yua hlăm djăp mta bruă aguah tlam.

VOV.Êđê- Čar Dak Lak dôk pŏk ngă Hdră mkŏ mkra Wăl anôk mta lăn Phú Yên mđing truh kơ anăn knăl Wăl anôk mta lăn tar rŏng lăn UNESCO. Čiăng bi mlih anăn knăl jing boh kdrŭt đĭ kyar, alŭ wăl čiăng kriê pioh dŭm boh tŭ yuôm mta lăn, lăn adiê, dhar kreh mguôp hŏng mđĭ kyar bruă hiu čhưn ênguê leh anăn hdră duh ƀơ̆ng yang ƀuôn.

VOV.Êđê-

VOV.Êđê- Ti Lăn Dap Kngư hlăm anăn mâo čar Gia Lai Gia Lai lač hjăn, ƀrư̆ hruê ƀrư̆ mâo lu phung mda asei yua hla pŏk web yang ƀuôn amâo djŏ knŏng čiăng hlăp ƀiădah lŏ čŏng mă rup, livestream, kah mbha dŭm klei yăl dliê kơ ƀuôn sang, dhar kreh, mnơ̆ng dhơ̆ng lŏ hma leh anăn klei hdĭp êpul êya. Diñu dôk jing phung mkŏ mjing hdră mnơ̆ng dhơ̆ng, đru ba rup Lăn Dap Kngư truh giăm hĭn hŏng mnuih ƀuôn sang. Drei hrăm mbĭt bi tuôm hŏng dŭm čô êdah êdi ti Klei bi kƀĭn KOL čar Gia Lai 2026 mkŏ mjing hruê 11/9 ti Pleiku.