VOV.Êđê- Hlăm Festival Êa ksĭ 2026, čar Khánh Hòa bi leh Knưl hiu čhưn ênguê mrô Khánh Hòa, tur knơ̆ng bi mguôp kdrăp 3D, hră kak lăn mrô leh anăn lu klei găl, đru mlih mrâo hưn mdah, mđĭ klei thâo phung tuê leh anăn mtrŭt mđĭ bruă mlih mrô bruă hiu čhưn ênguê.

VOV.Êđê- Ti krah dliê kmrơ̆ng Lăn Dap Kngư, mnuih Sêdang mkra leh dŭm mta mnơ̆ng ƀơ̆ng jăk yâo ƀiădah jiă knhuah dhar kreh. Mơ̆ng êngai mtei dliê, mơ̆ng kngan thâo mbruă mơ̆ng phung mniê Sedang, mkra mjing dŭm djam mtam mâo lu mta jăk siam, ƀâo mngưi, jiă kma klei bi hdơr leh anăn knuih hdĭp dŭm gưl ênuk. Alum kơ ƀĭng găp drei hrăm mbĭt mđing hmư̆ klei čih kơ djam jăk mơ̆ng êngai mtei dliê mnuih Sêdang, ƀâo mngưi mnâo mnañ mơ̆ng čư̆ dliê leh anăn klei khăp mnuih Lăn Dap Kngư.

VOV.Êđê- Mdiê Ana jing mjeh mdiê djuê ana mâo mơ̆ng đưm mơ̆ng mnuih K’ho, Raglai ti krĭng čư̆ čhiăng să Phan Sơn, čar Lâm Đồng (krĭng Bắc Bình, čar Bình Thuận hđăp), mguôp hŏng klei hdĭp ai tiê klei mĭn mơ̆ng dŭm ênuk gưl mnuih ƀuôn sang. Ară anei djuê mdiê dưi krŭ wĭt leh anăn pla mjing hŏng hdră doh čiăng mđĭ kyar hdră duh ƀơ̆ng hơĭt kjăp.

VOV.Êđê- Dŭm hruê anei, ti dŭm alŭ wăl ti čar Khánh Hoà dôk mčhĭt muăt Festival Êa ksĭ 2026. Leh sa thŭn bi mŭt mbĭt, bruă hiu čhưn ênguê Khánh Hoà dôk mâo klei bi mlih jăk hlăk wăl anôk đĭ kyar dưi pŏk mlar, boh tŭ yuôm dhar kreh dưi mđĭ lar, dŭm anôk truh ƀrư̆ hruê ƀrư̆ jak iêu phung tuê hiu čhưn.

VOV.Êđê- Mơ̆ng mrâo čang rang aguah truh kơ mâo điă ti êlah êa ksĭ, ai hdĭp mă bruă mtŭk mtlak mkŏ mjing leh knhuah mdê hĭn mơ̆ng ƀuôn trah mă kan Mũi Né - sa anôk truh jăk êdi amâo djŏ knŏng mâo wăl anôk siam ƀiădah lŏ kyua dŭm boh tŭ dhar kreh mơ̆ng êpul êya mnuih ƀuôn sang ktuê hang ksĭ.

VOV.Êđê- Hruê anei (18/7), ti sang kriê pioh mnơ̆ng Dak Lak mkŏ mjing klei tông čing čhar duh kơ mnuih ƀuôn sang leh anăn tue hiu čhưn. Klei jăk hĭn hlăm hdră anei jing lŏ mkŏ mjing klei bhiăn iêô mtâo hlăm klei bi kuôl ung mô̆ mơ̆ng mnuih Êđê. Anei jing klei knhuah gru dhar kreh bi êdah klă klei bhiăn mă djuê tĭng kơ amĭ hlăm klei bi dôk ung mô̆ mnuih Êđê.

VOV.Êđê- Knơ̆ng bruă Dhar kreh, Mjuăt ktang asei mlei leh anăn Hiu čhưn ênguê čar Dak Lak bi hgŭm hŏng Anôk bruă sang čư̆ êa să Êa Phê mphŭn pŏk adŭ mtô bi hriăm klei tông čing leh anăn kdŏ čhuang mơ̆ng mnuih djuê ana Êđê.

VOV.Êđê- Hŏng mnuih djuê ana bahnar, čing čar leh anăn klei mmuñ ênhiang djuê ana amâo djŏ knŏng jing klei kdŏ mmuñ. Anăn jing blŭ blŭ hrăm hŏng yang, jing klei kă kjăp klei bi mguôp êpul êya ƀuôn sang. Ti anăp klei hdĭp mrâo mrang, phung mduôn khua, phung mda asei ti să Tơ Tung, čar Gia Lai, ƀuôn sang pô jhŏng ktang Nup, dôk gĭr djă pioh, mđĭ lar dhar kreh djuê ana pô.

VOV.Êđê- Ƀêñ êya jing mta ƀêñ djuê ana mnuih Chăm ti čar Lâm Đồng, dưi ngă hŏng klei mbruă snăk. Tơdah êlâo dih ƀêñ anei knŏng yua mkra mnơ̆ng mđup brei hlăm knăm mơak, snăn hruê anei, phung mniê Chăm ti să Hồng Thái, čar Lâm Đồng ba leh mta ƀêñ anei jing mnơ̆ng dhơ̆ng ba čhĭ, truh lu anôk hlăm leh anăn êngao čar.

VOV.Êđê- Mơ̆ng klei hdĭp hơ̆k mơak djiêo ênao êa truh kơ hdră tă mđĭ kyar bruă hiu čhưn ênguê, tač hlăp golf leh anăn wăl mnơ̆ng hdĭp, Dak Lak dôk bi râo klei găl, pŏk wăl anôk đĭ kyar mrâo mơ̆ng čhưn čhiăng truh ti êa ksĭ.