VOV.Êđê- Ti sang kriê pioh Dak Lak mkŏ mjing hdră ngă bruă mtô bi hriăm, lông dlăng hŏng akŏ “Kdrăm kơah hruê mdei prŏng”. Bruă anei ƀri Hruê phung hđeh dlông rŏng lăn 1/6 leh anăn mđing kơ Hruê wăl hdĭp mda dlông rŏng lăn 5/6, mjing thiăm tač hlăp kơ phung hđeh krĭng wăl Ƀuôn Ma Thuôt leh anăn dŭm alŭ wăl riêng gah.

VOV.Êđê - Ti krĭng Lăn Dap Kngư jăk siam, ênai jing mơ̆ng đưm jing leh ênai mưng hŏng klei hdĭp mda tiê mnuih Bahnar. Dŭm ênhiang mmuñ djuê ana jăk siam, êdu êun amâo djŏ knŏng lač kơ klei hdĭp mă bruă ôh ƀiădah lŏ jiă knhuah dhar kreh jih sa djuê ana. Hlăm hdră kriê pioh ênoh yuôm djuê ana anăn, pô mbruă Đinh Hdot ti ƀuôn Đak Pơkao, să Tơ Tung, čar Gia Lai mâo lu mnuih lač msĕ si sa čô kriê pioh dhar kreh jih ai tiê ti ƀuôn sang. Pô mbruă Đinh Hdot pioh leh lu thŭn čiăng mkŏ mjing leh anăn mđĭ lar êpul tông čing, mmuñ ênhiang djuê ana. Hŏng klei khăp êlam hŏng dhar kreh djuê ana, ñu đru mguôp kriê pioh ênai čing, klei mmuñ ênhiang djuê ana leh anăn lar bra klei ktưn hưn kơ knhuah dhar kreh Bahnar ti krah klei hdĭp mrâo mrang.

VOV.Êđê - Hlăm ai êwa kdrăm kơah čing čhar ti krah ƀuôn prŏng  Pleiku, Gia Lai, dŭm wang čhuang êdu êun, čeh kpiê ƀâo mngưi leh anăn klei bhiăn djuê ana mnuih Jarai hlai mbĭt mjing rup dhar kreh Lăn Dap Kngư jăk siam. Hdră “Čing čhar knhal jih hruê kăm - mđing hmư̆ leh anăn ksiêm dlăng” amâo djŏ knŏng ba êa mil knăm mơak jăk siam ôh ƀiădah lŏ jing klei mkŏ tue hiu čhưn dlăng, thâo ƀuh leh anăn hrăm mbĭt kriê pioh wăl dhar kreh čing čhar Lăn dap Kngư.

VOV.Êđê - Ti krah krĭng čư̆ čhiăng Đồng Bò, nah yŭ dhŭng Nha Trang, čar Khánh Hòa, mâo sa wăl bi hdơr kơ Khua gĭt gai Hồ Chí Minh prŏng êbeh 2.000m² kyua sa čô kahan hđăp čŏng mkŏ mjing hlăm tlâo thŭn. Hŏng Bùi Xuân Phước, bruă mkŏ mjing anôk bi hdơr kơ Awa Hồ amâo djŏ knŏng jing klei čiăng mơ̆ng sa čô kahan ôh, ƀiădah lŏ jing klei čŏng mñă kơ ñu pô jih klei hdĭp hriăm, hlue ngă knhuah jăk Ñu.

VOV.Êđê- Ti ƀuôn hgŭm Ƀuôn Ama Thuôt, čar Dak Lak mkŏ mjing klei bi trông mă klei blŭ mguôp kơ Hdră bruă mđĭ kyar hiu čhưn ênguê wưng 2026–2030, hnơ̆ng trah dlăng truh thŭn 2050.

VOV.Êđê- Knơ̆ng bruă sang čư̆ êa čar Daklak mrâo bi klă leh hdră êlan mkŏ mjing knăm mơak boh durian Daklak thŭn 2026 hŏng akŏ “Boh durian Daklak – mkŏ klei đuĕ nao kbưi”.

VOV.Êđê- Mơ̆ng hruê 17 - 19/7 srăng mkŏ mjing Festival Êa ksĭ Khánh Hòa 2026 hŏng akŏ “Êa mil êa ksĭ - Truh hnơ̆ng lu ala čar”.

VOV.Êđê- Ti Đà Lạt, Anôk kriê dlăng Êpul hgŭm klei đăo Yơng Việt Nam čar Lâm Đồng bi hgŭm hŏng Anôk bruă Dhar kreh Gưl dlông êpul hgŭm klei đăo Yơng Việt Nam mkŏ mjing knăm kkuh mơak Phật đản Phật lịch 2570- Dương lịch thŭn 2026.

VOV.Êđê- Hlăm klei hdĭp ênuk mrâo ară anei, mnuih Êđê ti să Krông H’Nang, čar Dak Lak ăt krơ̆ng kjăp klei bhiăn “Lăm lui klei amâo jăk” leh knăm djiê brŭ msĕ si sa knhuah dhar kreh djuê ana đưm bŏ hŏng klei tŭ yuôm. Jih ƀuôn bi nao mnei hgai, mă kan amâo djŏ knŏng čiăng bi mdoh pô leh knăm anei, ƀiădah lŏ jing klei čiăng mđĭ ai, bi juh mnuih dôk hdĭp, mđing truh kơ klei hdĭp jăk ênang, bi mguôp hŏng êpul êya.

VOV.Êđê - Ti dlông čŏng čư̆ Nhạn, hlăm ƀuôn hgŭm Tuy Hòa, čar Daklak, Tuôr Nhạn êdah hĕ mơ̆ng đưm leh dloh ti krah ƀuôn prŏng ktue hang ksĭ. Amâo mâo djŏ knŏng jing klei mbruă mơ̆ng kiê kngan Chămpa mkra leh giăm êbao thŭn êgao, anôk anei lŏ jing anôk dhar kreh, anôk kơ klei đăo, lehanăn kơ klei hdĭp yang ƀuôn mơ̆ng mnuih ƀuôn sang, bi êdah knhuah siam klei êđăp ênang, klei jăk myang, lehanăn jiă knhuah dhar kreh djuê ana.