Anei jing wưng čiăng kơ dŭm ênuk gưl hruê anei bi hdơr, lač jăk kơ klei đru mguôp mơ̆ng pô jhŏng ktang, pô thâo mbruă hlăm bruă lĭng kahan, mâo leh dŭm klei đru mguôp prŏng prĭn hlăm hƀuê ênuk djuê ana. Hlăm ai êwa kdrưh kơăm, phung khua kiă kriê čar, phung khua kiă kriê êlâo dih, phung bi ala dŭm čar, ƀuôn prŏng, êpul lĭng kahan, dŭm knơ̆ng, dhar bruă, alŭ wăl, anôk bruă duh mkra, dŭm sang hră gưl prŏng, gưl krah mbĭt hŏng lu phung bi ala nao hgŭm hlăm knăm.

Knăm myơr mnga, myơr brui mngưi leh anăn knăm bi hdơr amâo djŏ knŏng jing bruă bi hdơr ƀiădah lŏ đru mguôp mtô mjuăt knhuah gru khăp kơ lăn čar, krŭ wĭt klei ktưn hưn djuê ana leh anăn mñă kơ dŭm ênuk gưl hruê anei kơ dŭm klei đru mguôp prŏng prĭn mơ̆ng Mtao Quang Trung - Nguyễn Huệ hŏng hƀuê ênuk lăn čar.