Hdră mâo 3 kdrêč: Awa nao duah rup lăn čar lŏ wĭt bi êdah hdră nao duah êlan mtlaih êngiê lăn čar, kčưm mơ̆ng ƀuôn sang Làng Sen, klei khăp amĭ anak leh anăn mmông bi ktlah, Klei mngač ktrâo êlan kñăm bi mni kơ klei mĭn, knuih hdĭp Hồ Chí Minh leh anăn êlan cách mạng leh anăn Việt Nam hdơr nanao asăp Awa, bi klă boh tŭ dưn leh anăn klei ktưn hưn kơ sa Việt Nam đĭ kyar hluê êlan Awa ruah, bi lar ai tiê čŏng pô - ñŭ kma - kpưn đĭ.

Hdră kdŏ mmuñ “Mngač nanao anăn Awa” amâo djŏ knŏng jing bruă dhar kreh - klei kdŏ mmuñ mâo boh tŭ dưn bi hdơr hruê kkiêng khua gĭt gai Hồ Chí Minh, ƀiădah lŏ jing wưng hâp hưn, mtô kơ knhuah gru khăp kơ lăn čar, klei mĭn cách mạng, đru mđĭ klei thâo săng, ksul mbŭ klei đăo knang, bi êrâo ai tiê bruă klam leh anăn klei hmăng hmưi duh myơr mơ̆ng dŭm gưl mnuih ƀuôn sang, boh nik jing ênuk mda asei, hlăm bruă hluê ngă gru mngač Hồ Chí Minh.