Anei jing klei dhar kreh - hiu čhưn ênguê hnơ̆ng gưl ala čar hŏng klei kñăm iêô jak mơ̆ng 600 êbâo truh 800 êbâo gưl mnuih ƀuôn sang leh anăn tue hiu čhưn hlăm ala čar, ala tač êngao. Festival Êa ksĭ Khánh Hòa 2026 mĭn tĭng mkŏ mjing giăm 30 bruă dhar kreh, mjuăt asei mlei, hiu čhưn ênguê leh anăn kdŏ mmuñ jăk siam.

Mbĭt anăn, Festival lŏ mâo lu bruă dhar kreh, hiu dlăng leh anăn mnia blei msĕ si klei bi trông lu ala čar kơ klei mđĭ kyar hiu čhưn ênguê kŭm păn jlăm êa ksĭ, knăm mơak dhar kreh - mnơ̆ng ƀơ̆ng jăk hruh čĭm iăt Khánh Hòa,bi lông waih mran Khánh Hòa 2026, knăm mơak ao dai Việt Nam, knăm mơak mđung hla prŏng,  knăm mơak mnơ̆ng dhơ̆ng lŏ hma leh anăn mnơ̆ng dhơ̆ng OCOP, knăm mơak mnia blei - mnơ̆ng ƀơ̆ng jăk, hŏng lu hdră kdŏ mmuñ hlăm ƀuôn prŏng duh kơ tue hiu čhưn.