Anei jing gưl tal êlâo knăm mơak mâo mkŏ mjing ti hnơ̆ng gưl čar. Knăm mơak anei mkŏ mjing mơ̆ng hrue 15/8 truh kơ hrue 2/9 ti ƀuôn hgŭm Ƀuôn Ama Thuôt, ƀuôn hgŭm Krông Pač, ƀuôn hgŭm Tuy Hòa lehanăn dŭm boh ƀuôn hgŭm pla boh durian hlăm čar Daklak. Knăm mơak mâo 17 mta bruă dưi mkŏ jih jang bruă dhar kreh, mnia mblei, hiu čhưn ênguê.

Hrue pŏk mkŏ mjing ti wăl tač hrue 10-3; mâo anôk rang mdah kơ bruă boh durian, lehanăn dŭm mta mnơ̆ng OCOP; knăm mơak mnơ̆ng ƀơ̆ng huă, tour hiu čuă dlăng đang boh durian, mkŏ anôk pla mjing hŏng anôk čhĭ mnia hrui blei boh durian. Boh nik, hlăm brô 500 boh êdeh pĭkup srăng ruĕ mơ̆ng ƀuôn hgŭm  Krông Pač wĭt truh kơ ƀuôn hgŭm Ƀuôn Ama Thuôt čiăng hưn mdah kơ boh durian, dưi yap jing ênoh kdlưn hĭn hlăm Guinness lehanăn duh kơ phung tue lông ƀơ̆ng boh durian. Mbĭt hŏng anăn, show kơ “Kơ sang krum dlông” ba yua kdrăp 3D mapping srăng mdah hlăm mlam knăm 5, knăm 6 lehanăn knăm 7 grăp hrue kăm ti sang dăp pioh ngăn drăp Daklak hlăm wưng mkŏ mjing knăm mơak./.