Mơ̆ng hlăm brô 4h30, ƀuôn trah mă kan Mũi Né (ƀuôn hgŭm Mũi Né, čar Lâm Đồng) mtluk mtlak hlăk dŭm êpul hô̆ mran wĭt leh sa mlam nao trah mă kan. Dŭm êtuh boh mran mă kan leh anăn kĭ mkŏ kƀĭn ti êngao êa ksĭ, hlăk êjai hlăm hang ksĭ, bruă hrui blei mnơ̆ng hlăm êa dơ̆ng mjhĭt m’uăt. Dlăng mơ̆ng dlông, dŭm êtuh kŭm păn trah mă kan leh anăn mran mjưh ti krĭng êa ksĭ mtah mda, mkŏ mjing wăl anôk mdê hjăn mơ̆ng ƀuôn trah mă kan Mũi Né grăp aguah ưm.

Ti anei,  kĭ jing mnơ̆ng amâo dưi kƀah ba mnuih leh anăn mnơng hlăm êa mơng mran mŭt hlăm hang. Ai êwa sang mnia ưm mčhĭt m’uăt hlăk mnuih ƀuôn sang leh anăn phung mnia mblei bi kƀĭn ti hang ksĭ hrui blei mnơ̆ng mrâo ba truh ti hang êa ksĭ. Dŭm bai kan mtah mâo mnuih ƀuôn sang pral bi ksiêm mbha ti hang êa ksĭ êlâo kơ ba ti sang mnia leh anăn anôk bruă hrui blei.

Leh bi kƀĭn sang mnia, phung trah mă kan hnêč lŏ mă ñuăl, prăp êmiêt kơ gưl nao ti êa ksĭ êdei. Êa ksĭ yă hrŏ, lu mnuih hnêč kan hdang leh anăn  mnơ̆ng hlăm êa ktuê hang ksĭ, đru mđĭ hnư hrui wĭt. Leh dŭm mmông mă bruă mjêč ruăt, ƀuôn trah mă kan ƀrư̆ lŏ wĭt hŏng klei hdĭp hĭt ênang. Dŭm kŭm păn mjưh ti êa ksĭ  mtah ti krah mđiă kñĭ.

Amâo djŏ knŏng jing anôk duah ƀơ̆ng mơ̆ng lu ênuk gưl mơ̆ng phung trah mă kan, ƀuôn trah mă kan Mũi Né lŏ djă pioh dŭm knhuah hdĭp mda jăk siam mơ̆ng êpul êya mnuih ƀuôn sang ktuê hang ksĭ. Ƀuôn trah mă kan Mũi Né ăt dôk djă pioh dŭm knhuah hdĭp mdê hjăn mơ̆ng êpul êya mnuih ƀuôn sang ktuê hang ksĭ. Dŭm kŭm păn wĭt hlăk yang hruê mrâo đĭ, klei mnia mblei mnơ̆ng hlăm êa mčhĭt muăt, phung dôk waih kĭ, mnam ñuăl amâodah dŭm êtuh boh kŭm păn jưh mơ̆ng aguah ưm mkŏ mjing leh klei mă bruă êđăp ênang bŏ hŏng ai hdĭp.

Kyua klei hdĭp aguah tlam anăn đru mjing leh klei mdê hjăn mơ̆ng Mũi Né, anôk phung tuê hiu čhưn ênguê amâo djŏ knŏng ƀuh klei siam mơ̆ng êa ksĭ ƀiădah lo dưi ƀuh ai êwa sĭt nik mơ̆ng sa ƀuôn hiu trah mă kan djuê ana mâo mơ̆ng đưm ăt dưi djă pioh hŏng lu ênuk gưl.