6 mlan akŏ thŭn, bruă hiu čhưn ênguê alŭ wăl lŏ dơ̆ng đĭ kyar ktang hŏng êbeh 5.33 êklăk čô tuê, ênoh hrui mâo truh 9.600 êklai prăk. Ară anei čar dôk mđing bi leh hră mơar “Klei thâo pla leh anăn mkra mjing kphê Dak Lak” hưn mdah UNESCO leh anăn hră mơar Knăm ngă yang akŏ pin êa gưl ala čar.

Mñă klă Hdră mtrŭn 80 jing tur knơ̆ng phŭn, K’iăng Khua Knơ̆ng bruă sang čư̆ êa čar Y Nhuân Byă mtă kơ anôk bruă dhar kreh mjêč hnưm đru kčĕ hdră êlan, klei bhiăn, hmao čih anăn ba mdah hŏng Êpul gơ̆ng kơ mnuih ƀuôn sang čar hlăm klei bi kƀĭn thơ̆ng kơ bruă čiăng mkăp ai dưi hluê ngă tŭ dưn.