Knăm mơak akâo klei êđăp ênang phung trah mă kan hdang Phan Thiết
Thứ tư, 08:17, 05/08/2026
VOV Tây Nguyên
VOV Tây Nguyên
VOV.Êđê- Hŏng akŏ "Kriê pioh knhuah gru dhar kreh êa ksĭ - Akâo klei êđăp ênang kơ mnuih ƀuôn sang - Phung trah mă kan ktưn hưn hŏng klei tŭ jing", Knăm mơak akâo klei êđăp ênang kơ mnuih ƀuôn sang trah mă kan hdang ƀuôn hgŭm Phan Thiết thŭn 2026 mkŏ mjing leh ti tač prŏng êlan Phạm Văn Đồng, ƀuôn hgŭm Phan Thiết, čar Lâm Đồng.
Anei jing bruă ngă hlăm hdră "Kkuh drông yan hiu čhưn ênguê thŭn 2026" mơ̆ng čar. Knăm mơak mkŏ mjing truh kơ 8/8, mâo klei ngă yang ti Dinh Vạn Thủy Tú leh anăn kdrêč hlăp mbul ti dŭm ktuê êlan Trưng Trắc, Phạm Văn Đồng mbĭt hŏng wăl êa krông Cà Ty.
Hlăm hdră knăm mơak lŏ mâo knăm tiên yết, giỗ sắc, ngă yang kơ atâo atiêt, knăm mđung 500 boh pui mnga hlăm êa krông Cà Ty; mmuñ bội djuê ana, bài chòi, klei hlăp lêñ djuê ana, kdŏ mmuñ ktuê êlan, knăm mnia mblei leh anăn wăl anôk mnơ̆ng ƀơ̆ng jăk yâo Phan Thiết.
Viết bình luận