Dak Lak hưn mdah "Sang krum show", tui ksiêm dhar kreh Êđê
Thứ ba, 10:02, 18/08/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Tlam 17/8, ti Sang kriê pioh kdrăp mnơ̆ng Dak Lak, hlăm hdră Knăm mơak durian Dak Lak thŭn 2026, Knơ̆ng bruă dhar kreh, mjuăt ktang asei mlei leh anăn hiu čhưn ênguê čar hưn mthâo hdră kdŏ mmuñ tui ksiêm "Sang krum dlông show".
Hdră lŏ bi êdah klei hdĭp dhar kreh đưm mơ̆ng mnuih Êđê hŏng hdră kdŏ mmuñ tui ksiêm, bi mguôp hdră kdŏ mmuñ hŏng kdrăp mrâo mrang. Phung nao dlăng dưi atăt găn dŭm wăl anôk, kdrêč klei hdĭp Êđê, mơ̆ng klei hdĭp mda hŏng lăn adiê, hiu duah, ngă hma truh kơ klei hdĭp dhar kreh, ai tiê hlăm sang krum.
Klei mmuñ ênhiang, ênai čing, kdrăp tông ayŭ djuê ana, klei khan, klei bhiăn leh anăn klei hdĭp êpul êya dưi bi mguôp hŏng hdră rang mdah, pui mngač. Phung thâo mbruă leh anăn phung kdŏ mmuñ nao hgŭm jing mnuih Êđê, jih jang hdră ba yua klei Êđê. Klei rang mdah truh jih hruê 19/8, grăp mlam 2 gưl hlăm 19h30 leh anăn 20h30.
Viết bình luận