VOV.Êđê- Klei sui thâo blŭ kreh tuôm hlăm pơhung hđeh mơ̆ng 6 mlan truh kơ 3 thŭn, jing boh klei ƀrư̆ hruê ƀrư̆ mâo lu ngă kơ phung amĭ ama uêñ mĭn. Sui thâo blŭ hlăm phung hđeh kyua lu phŭn agha, năng ai kyua klei ruă, ai mĭn leh anăn wăl hdĭp mda. Kyuanăn, phung amĭ ama čiăng ktuê dlăng wưng đĭ hriê klei thâo blŭ čiăng hmao ƀuh hnưm leh anăn hmao mdrao mgŭn, rơ̆ng kơ klei đĭ kyar kluôm dhuôm mơ̆ng hđeh.

VOV.Êđê- Klei ruă êwiên êwu jing sa klei ruă huĭ hyưt kyua vi rút ngă, srăng ba klei truh kjham, êwiên truh kơ jih klei hdĭp, boh nik ti phung hđeh điêt. Ti čar Dak Lak, dŭm thŭn êgao, kyua pŏk ngă tŭ dưn Hdră Tlŏ mgang pŏk mlar, klei ruă êwiên êwu dưi ksiêm dlăng kjăp, đru răng mgang klei suaih pral kơ phung hđeh ti alŭ wăl. Khă snăn, wưng giăm anei, vaccine OPV gang mkhư̆ klei ruă êwiên êwu dôk mâo lu mnuih wơr, mta phŭn jing kyua klei thâo săng ka djăp ênŭm mơ̆ng mnuih ƀuôn sang.

VOV.Êđê- Klei ruă êngoh bi ƀlĕ êrah jing sa hlăm dŭm klei ruă huĭ hyưt dôk mâo ti lu alŭ wăl hlăm kluôm ala. Hluê si Phŭn bruă mdrao mgŭn, mơ̆ng akŏ thŭn 2026 truh kơ ară anei, kluôm ala mâo leh êbeh 50 êbâo čô mnuig ruă êngoh bi ƀlĕ êrah, hlăm anăn mâo 5 čô djiê. Năng mđing, klei ruă dôk mâo dleh dưi ksiêm dlăng lehanăn dleh dưi đăo knăl mkă hŏng êlâo adih.

VOV.Êđê - Ti krah êa ksĭ kbưi hŏng lăn hang dŭm pluh hải lý, bruă ksiêm mkă dlăng klei ruă ti alŭ wăl knơ̆ng Phú Qúy tuôm nanao hŏng lu klei dleh dlan kyua kƀah bruă thơ̆ng, bruă ƀa phung ruă kjham jưh knang kơ yan adiê leh anăn kŭm păn, mram hlăm êa ksĭ. Ti anăp klei čiăng mjêč ƀrư̆ hruê đĭ, boh nik lehh dŭm klei truh kjham brei ba hŏng êdeh phiơr dăk wăk hlăm lăn hang, bruă mdrao mgŭn čar Lâm Đồng dôk kƀĭn mđĭ klei dưi kơrŭ wĭt klei dŏng mdrao mjêč, mtô bi hriăm êlan leh anăn bi liê kdrăp mnơ̆ng kơ bruă mdrao mgŭn plao ksĭ.

VOV.Êđê- Klei amâo jăk asei mlei ti phung hđeh mơ̆ng tian amĭ hlăk jing sa hlăm dŭm mta phŭn hmăi truh kơ klei suaih pral, hnơ̆ng tŭ jăk klei hdĭp mơ̆ng dŭm êbâo čô hđeh Việt Nam grăp thŭn. Hlăk êjai anăn, lu klei amâo jăk anei dưi pral hmao ƀuh amâo dah gang mkhư̆ tŭ dưn hluê hdră ksiêm mkă dlăng grăp gưl lehanăn ksiêm dlăng êlâo kơ kkiêng. Mđĭ klei thâo săng mơ̆ng phung mniê kơ klei anei hlăk jing hdră msir yuôm bhăn kñăm răng mgang lehanăn đru phung mniê dưi kkiêng hŏng klei suaih pral.

VOV.Êđê- Dŭm alŭ wăl ti Lăn Dap Kngư dôk mtrŭt mđĭ lu hdră êlan bi kjăp bruă mdrao mgŭn nah gŭ, mđĭ hnơ̆ng kiê dlăng klei suaih pral kơ mnuih ƀuôn sang.

VOV.Êđê- Lâm Đồng hlăk ktuh êyuh jih hnơ̆ng ngă bruă mkă dlăng klei suaih pral kơ 50% ênoh mnuih ƀuôn sang êlâo kơ hrue 30/6/2026.

VOV.Êđê- Klei ruă jhat klang sun kơiêng rŏng jing sa hlăm dŭm klei ruă hlăm klang khăng mâo lu ară anei, khăng mâo hlăm phung khua thŭn leh anăn phung mduôn khua. Mâo lu mta phŭn ba klei ruă msĕ si: jhat klang sun kyua thŭn khua, mă bruă ktrŏ, dôk gŭ soh, êka, klei mă bruă knuă... Ti dak Lak, mnuih mâo klei ruă jhat klang sun kơiêng rŏng kyua mă bruă ktrŏ mâo lu kyua klei mdê jing krĭng pla mjing ana sui thŭn, mnuih ƀuôn sang khăng mă bruă ktrŏ leh anăn dôk soh. Klei ruă hmăi prŏng snăk kơ hnơ̆ng jăk klei hdĭp, hnơ̆ng mă bruă hrŏ, phung ktrŏ srăng hwiêt jơ̆ng kngan, êwiên êwu.

VOV.Êđê - Hrue 21 lehanăn 22/5, kahan răng mgang knông lăn čar Gia Lai mkŏ mjing leh klei mkă dlăng, mbha êa drao kơ mnuih ƀuôn sang ti 2 boh ƀuôn hgŭm Ia Nan lehanăn Ia Pnôn.

VOV.Êđê - Hlăk mâo lu anôk bruă mdrao mgŭn mâo wăl anôk mă bruă êđăp ênang, snăn phung nai aê mdrao lehanăn mnuih mă bruă ti Sang êa drao mdrao klei ruă Khŏ čar Dak Lak kreh tlă anăp hŏng klei huĭ hyưt kbiă hriê mơ̆ng anôk pô mă bruă. Mnuih ruă djŏ mmông amâo dưi ksiêm dlăng klei pô ngă, ba lu klei dleh dlan kơ hdră mdrao, đa đa lŏ čăm biêng mnuih mă bruă. Hŏng klei gĭr jih ai tiê kơ bruă “Phung aê mdrao msĕ si amĭ ênang”, phung nai aê mdrao ti Sang êa drao sĭt suôr nanao hŏng bruă, jih ai tiê dŏng mdrao kơ mnuih ruă djăl lŏ suaih.