Mnuih ruă jing aduôn H.B.K., 58 thŭn, dôk ti ƀuôn Ea Mắp, să Quảng Phú, čar Dak Lak. Ti Sang êa drao prŏng krĭng Lăn Dap Kngư mnuih ruă dưi bi mklă djŏ klei ruă êngoh bi ƀlĕ êrah Dengue hruê tal 6, mâo klei bi knăl hưn brei răng, kbiă êrah hlăm gŭ klĭt, kbiă êrah êgei mbah, ktuê dlăng kbiă êrah hlăm tian prôč. Mnuih ruă mbĭt anăn mâo klei ruă hnơ̆ng êrah đĭ leh anăn mâo mta mmih hlăm êrah type 2.

Êlâo anăn, sa čô êkei ruă khua thŭn, dôk ti ƀuôn hgŭm Tân An, čar Dak Lak, ăt djiê kyua êngoh bi ƀlĕ êrah ti Sang êa drao prŏng krĭng Lăn Dap Kngư hlăm hruê 30/7. Snăn, mơ̆ng akŏ thŭn truh kơ ară anei, kluôm čar Dak Lak čih yap 6.012 čô mnuih mâo klei ruă êngoh bi ƀlĕ êrah ti 252 anôk mâo klei ruă hlăm 24 să, ƀuôn hgŭm hlăm kluôm čar, đĭ giăm 30% mkă hŏng wưng anei thŭn 2025.