Hŏng bruă mdrao mgŭn, Khua knŭk kna mtă brei mdưm klei hdĭp, klei suaih pral mnuih ruă lehanăn klei tŭ dưn kơ mnuih ƀuôn sang jing tal êlâo hĭn; amâo brei anôk bruă mdrao mgŭn kƀah kdrăp mnơ̆ng, mnuih ƀuôn sang kƀah êa drao kyua gun kpăk kơ hdră êlan. Khua knŭk kna mtă brei ksiêm dlăng, mkra mlih dŭm klei kčah mtrŭn djŏ tuôm kơ bruă kriê dlăng kdrăp mnơ̆ng mdrao mgŭn, êa drao gŭn; bi hrŏ hdră kčah, bi hrŏ ênoh prăk bi liê, ênoh êa drao leh anăn kdrăp mnơ̆ng mdrao mgŭn, mbĭt anăn rơ̆ng hnơ̆ng tŭ jăk leh anăn boh tŭ bruă blei mnia.

Khua knŭk kna ăt mtă brei mkŏ mjing klei bhiăn ênuah ênô, klă mngač, ksiêm dlăng tŭ dưn, amâo brei phung knuă druh huĭ kơ klei đua klam, amâo jhŏng ngă, mbĭt anăn gang mkhư̆ klei ba yua hdră êlan čiăng ƀơ̆ng ngăn. Mta kñăm knhal tuč jing rơ̆ng kơ mnuih ƀuôn sang dưi mâo êa drao leh anăn kdrăp mnơ̆ng mdrao mgŭn tŭ jăk, hŏng ênoh bi liê djŏ guôp, đru mđĭ hnơ̆ng tŭ ksiêm mkă dlăng, mdrao klei ruă.