Jih dua čô ruă djŏ tuôm kơ asâo, miêu ƀiădah amâo mâo tlŏ mgang vaccine gang mkhư̆ klei ruă khŏ leh tuôm hŏng klei asâo, miêu kĕ. Čô tal sa jing hđeh êkei K.S. (6 thŭn), dôk alŭ Đoàn Kết Ó-Kly, să Ia Tôr, čar Gia Lai. Pô tal dua jing hđeh mniê K.P.T (4 thŭn), dôk alŭ Ia Kênh, să Gào ăt djiê hŏng dŭm klei bi knăl mơ̆ng klei ruă khŏ. Msĕ snăn, mơ̆ng akŏ thŭn 2026 truh kơ ară anei, Gia Lai mâo leh 5 čô djiê kyua klei ruă khŏ.

Knơ̆ng bruă mdrao mgŭn Gia Lai mtă, tơdah tuôm hŏng klei asâo, miêu kĕ, kuač amâo dah ƀlŭk hlăm anôk klĭt êka, mnuih ƀuôn sang brei rao bi doh anôk êka hŏng kƀu ti gŭ êa đoh, mdjiê kman leh anăn nao mtam ti anôk bruă mdrao mgŭn čiăng mâo klei ktrâo lač, tlŏ vaccine, huyết thanh bi kdơ̆ng hŏng klei ruă khŏ tơdah mâo klei mtă.