VOV.Êđê- Anôk bruă kƀĭn ala mrâo bi mklă Hdră mtrŭn kơ bruă ala čar kñăm mđing kơ klei suaih pral, ênoh mnuih lehanăn mđĭ kyar wưng thŭn 2026 – 2030, hŏng ênoh prăk duh giăm 89.000 êklai prăk, mâo mta kñăm rơ̆ng hdră kriê dlăng klei suaih pral tal êlâo, gang mkhư̆ mơ̆ng hnưm, mđĭ hnơ̆ng kjăp ênoh mnuih, đru mjing kơ sa Việt Nam suaih pral đĭ kyar hơĭt kjăp.

VOV.Êđê- Đru kčĕ lehanăn ksiêm dlăng klei suaih pral êlâo kơ bi dôk ung mô̆ jing sa hlăm dŭm bruă yuôm bhăn, đru kơ phung êkei, mniê mprăp klei thâo săng hlăm bruă kriê dlăng klei suaih pral, mâo ksiêm dlăng, tĭng dlăng klă klei suaih pral pô, mơ̆ng anăn mprăp dŭm klei găl, klei jăk yâo kơ klei hdĭp ung mô̆, yuôm hĭn jing dưi kkiêng anak suaih pral.

VOV.Êđê - Adiê hjan, angĭn êbŭ, êa lip amâo djŏ knŏng luč liê kơ ngăn drăp ôh ƀiădah ngă kơ wăl hdĭp mda ênưih čhŏ djhan, kman ba klei ruă đĭ lêč, bluh mâo klei ruă tưp huĭ hyưt. Čiăng kơ mnuih ƀuôn sang thâo kơ hdră kriê dlăng klei suaih pral leh gưl êa lip lêč, aê mdrao Lê Phúc - K’iăng Khua Anôk bruă ksiêm dlăng klei ruă čar Dak Lak srăng mâo klei hưn klă klơ̆ng.

VOV.Êđê- Dŭm hruê êa hrŏ, mbĭt hŏng bruă huai mdoh pưk sang, mnuih ƀuôn sang krĭng êa lip nah Ngŏ čar Dak Lak (Phú Yên hđăp) mâo leh klei đru mkă dlăng klei suaih pral, mbha êa drao, đru kčĕ klei suaih pral mơ̆ng êpul aê mdrao hlăm lehanăn êngao ala čar. Hdră đru anei dưi pŏk ngă ti dŭm anôk mkă dlăng mbĕ hiu, đru kơ mnuih ƀuôn sang gang mkhư̆ klei ruă leh gưl êa lip ngă lehanăn hnưm bi hơĭt klei hdĭp.

VOV.Êđê- Klei ruă asâo, miêo khŏ kĕ jing sa hlăm dŭm klei ruă huĭ hyưt kyua kman klei ruă khŏ ngă, klei ruă tưp mơ̆ng mnơ̆ng rông kơ mnuih, lu jing mơ̆ng anôk êka amâodah anôk kwač mơ̆ng mnơ̆ng rông mâo klei ruă, mâo lu hĭn jing asâo leh anăn miêô. Tơdah ƀuh leh klei ruă khŏ kyua ruă asâo, miêo khŏ kĕ snăn jih jang phung anăn djiê sơăi. Kyua anăn, klei gang mkhư̆ klei ruă hŏng klei tlŏ vaccin tơdah asâo, miêo khŏ kĕ, kwač jing bruă klam yuôm bhăn, dưi dlăng jing klei mgang tŭ dưn čiăng răng mgang klei suaih pral, klei hdĭp phung mâo klei ruă.

VOV.Êđê - Ară anei, hlăm klei hưn brei răng klei bi knăl kơ klei ruă, dŭm mta klei ruă tưp ƀrư̆ đĭ. Hlăm anăn klei tuă kơ tuyến giáp, leh anăn ênoh mnuih mâo klei ruă anei ƀrư̆ hruê ƀrư̆ lu, boh nik hlăm phung mâo klei ruă kjham hlăm tuyến giáp. Klei ruă hgăm ƀiădah srăng hmăi lu snăk kơ klei suaih pral leh anăn hnơ̆ng klei hdĭp mda.

VOV.Êđê - Nao hgŭm hlăm hdră mjuăt ktang asei mlei djŏ guôp jing sa hlăm dŭm hdră đru kơ mnuih khua thŭn mkra mđĭ klei suaih pral, klei hdĭp, ai tiê klei mĭn. Ti Dak Lak, brư̆ hruê brư̆ mâo lu mnuih khua thŭn ruah hdră mjuăt ktang asei mlei sjŏ guôp hŏng pô hlăm grăp hruê, čiăng duah klei mơak lehanăn klei suaih pral djŏ guôp hŏng thŭn lehanăn ai suaih pral mơ̆ng pô.

VOV.Êđê- Hlăm dŭm thŭn giăm anei, ti Dak Lak, boh klei tưp HIV hlăm klei bi dôk êkei mniê mâo 3/4 mđĭ ênoh phung mâo klei ruă lehh anăn klei ruă anei mâo klei bi knăl đĭ hlăm êpul êkei mâo klei bi dôk. Anei jing sa klei lông dlăng dleh dlan snăk hlăm bruă gang mkhư̆ klei ruă HIV/AIDS ti Dak Lak.

VOV.Êđê- Tlam mbruê 21/10, ti Dak Lak Anôk bruă ksiêm duah kơ kman Lăn Dap Kngư bi hdơr 50 thŭn hruê mkŏ mjing (22/10/1975 - 22/10/2025).

VOV.Êđê- Kriê dlăng klei suaih pral phung khua thŭn jing sa hlăm dŭm bruă yuôm bhăn mơ̆ng grăp boh sang leh anăn kluôm ala ƀuôn, kyua anei jing wưng asei mlei anak mnuih mphŭn hroh kơ asei mlei, ai mĭn leh anăn dưi mdrơ̆ng hŏng klei ruă. Bruă kriê dlăng djŏ hdră srăng đru kơ phung khua thŭn mđĭ lar hnơ̆ng jăk klei hdĭp, hdĭp jŏk leh anăn hdĭp suaih asei mlei, jăk mơak hŏng gŏ sang, găp djuê.