Lâm Đồng ksiêm mkă dlăng klei suaih pral amâo mă prăk kơ giăm 3,9 êklăk čô mnuih hlăm thŭn 2026
Thứ ba, 09:32, 19/05/2026
H'Nêč Êñuôl /VOV Tây Nguyên
H'Nêč Êñuôl /VOV Tây Nguyên
VOV.Êđê- Hlăm thŭn 2026, Knơ̆ng bruă sang čư̆ êa čar Lâm Đồng srăng mkŏ mjing hdră ksiêm mkă dlăng grăp gưl kơ giăm 3,9 êklăk čô mnuih hŏng ênoh prăk tĭng êbeh 1.330 êklai prăk mơ̆ng knơ̆ng prăk knŭk kna.
Hdră anei dưi pŏk ngă hluê Hdră mtrŭn mơ̆ng Phŭn bruă kđi čar lehanăn Asăp mtrŭn mơ̆ng Khua knŭk kna, kah mbha 2 gưl. Gưl 1 mkŏ mjing hlăm 3 mlan gưl 2 thŭn 2026, ksiêm mkă dlăng amâo mă prăk kơ êbeh 1,9 êklăk čô, bi knar grăp mkrah wah ênoh mnuih hlăm kluôm čar.
Gưl 2 pŏk ngă hlăm 6 mlan knhal jih thŭn, hluê ngă hdră ksiêm mkă dlăng klei suaih pral kơ jih jang mnuih ƀuôn sang adôk. Mnuih mđing tal êlâo mâo phung hđeh, hđeh hriăm hră, sinh viên, mnuih khua thŭn, mnuih amâo jăk asei mlei, mnuih mâo bruă tŭ dưn, gŏ sang ƀun, giăm ƀun, mnuih ƀuôn sang krĭng 3, krĭng knông lăn taih kbưi./.
Viết bình luận